“O‘zavtosanoat” o‘qituvchilarga imtiyozli avtokredit bilan avtomobillarni sotishdan bosh tortgani haqida tarqalgan xabarlarni rad etdi.
Ijtimoiy tarmoqlarda UzAuto Vazirlar Mahkamasining o‘qituvchilar uchun avtomobillarni tijorat banklari orqali 60 oy muddatga va 30 foiz dastlabki to‘lov bilan imtiyozli shartlar asosida xarid qilish bo‘yicha topshirig‘ini rad etgani haqida xabarlar va xat surati tarqalgandi.
“O‘zavtosanoat” Vazirlar Mahkamasining topshirig‘ini rad etgani to‘g‘risidagi xabarlar haqiqatga to‘g‘ri kelmasligini hamda feyk xabar ekanligini ma’lum qildi.
“O‘zavtosanoat” tijorat banklari tomonidan Vazirlar Mahkamasining topshirig‘i ijrosi doirasida beriladigan imtiyozli avtokreditlar orqali avtomobillarni sotishga tayyor (tijorat banklarida jismoniy shaxslarning xaridlarini moliyalashtirish uchun kreditdan boshqa mexanizm mavjud emas)”, deyiladi munosabatda.
Qayd etilishicha, xatning asl nusxasida avtomobil xarid qilish uchun Asakabank, Aloqa Bank, Ipak yo‘li banki, InfinBANK, Biznesni rivojlantirish banki, Asia Allince Bank va Tenge Bank orqali turli mexanizmlar, jumladan, imtiyozli shartlarda joriy etilgan.
“O‘zavtosanoat” ijtimoiy tarmoqdagi guruh adminstratorlaridan tekshirilmagan va tasdiqlanmagan ma’lumotlarni tarqatmaslikni so‘radi.
Izoh (2)
Qaror hali kuchga kirgani yoq. Avtosalondan so'rasak bankga yuborishdi. Bank xodimlari esa bizga hali qaror kelmapdi deyishdi.
Foizsizmi yoki imtiyozli 99.8 foiz bilanmi