Lixiang L9 Max русумли автотранспорт воситасини гаровга тақдим этмасдан бошқа шахсга сотиб юборилган. Бу ҳақда Бош прокуратураси ҳузуридаги Иқтисодий жиноятларга қарши курашиш департаменти хабар бермоқда.
-VjKic0jZ.jpg)
Аниқланишича, Миробод туманида ўтказилган терговга қадар текширувда фуқаролар С.В. У.Д. ва А.И. ўзаро тил бириктириб автокредитга олинган Lixiang L9 Maxни сотиб юборган. Натижада банк манфаатларига 587 миллион сўм зарар етказганликлари аниқланган.
Қорақалпоғистонда яна бир ҳолатда “Л.Н.” МЧЖ масъул шахслари “Д.” МЧЖдан Isuzu русумли юк машинасини сотиб олгандан кейин гаровга қўйиш шарти билан ҳудудий тижорат банки филиалидан ажратилган кредит маблағининг 595 миллион сўмини ушбу жамият орқали нақдлаштириб олиб талон-торож қилганликлари аниқланган.
Қарши шаҳрида эса фуқаро Б.Э. ва бошқалар ҳудудий тижорат банки филиалидан ажратилган кредит эвазига харид қилинган Kia Karnival русумли автомашинани сотиб юбориб, банк манфаатларига 355 миллион сўм зарар етказганликлари аниқланган.
Қўшимча қилинишича, мазкур ҳолатлар юзасидан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Июль ойида Андижон ва Фарғона вилоятларида автокредит эвазига харид қилинган автомашиналарни сотиб юбориш ҳолатлари ҳақида хабар берилган эди.
Изоҳ (0)