9 апрель, пайшанба куни, дунёнинг турли бурчакларида олинган энг қизиқарли суратлар жамланмасини тақдим этамиз.
Икки ойлик изоляциядан сўнг Ухань шаҳридан чиқишни тақиқловчи чеклов чоралари бекор қилингач сайёҳлар Ҳанкоу темир йўл бекатида поездларини кутишмоқда. Фото: Reuters
Денгизчилар коронавирусга чалинмаган беморлар учун реферал касалхона сифатида ташкил этилган USNS Mercy кемасига ўтказмоқда. Айни дамда улар Калифорния штатининг Лос-Анжелес шаҳридаги қирғоқ шифохоналарида қолмоқда. Фото: Reuters
Лондон шаҳридаги Пикадилли майдонида Буюк Британия ҳукумати томонидан коронавирус инфекциясининг тарқалишига қарши соғлиқни сақлаш соҳасида ўтказилаётган кампания чақириқлари: «Уйда қолинг. Миллий соғлиқни сақлаш хизматини ҳимоя қилинг. Ҳаётни асранг. Исталган одам юқтириб олиши мумкин. Исталган одам тарқатиши мумкин». Фото: Reuters
Соғлиқни сақлаш вазири Алишер Шодмонов коронавирусдан тузалган беморлардан бирини гул бериб, қутламоқда. Фото: ССВ
Франциялик шоколад ишлаб чиқарувчи қандолатпаз Жан-Франсуа Пре Ландивизио шаҳридаги ширинликлар дўконида коронавирус шаклидаги Пасха тухумларини сотувга қўймоқда. Фото: Reuters
Сингапурдаги меҳнат муҳожирларига арзон тиббий ва стоматологик ёрдам кўрсатувчи HealthServe clinic шифохонасида шифокор коронавирус белгиларига эга муҳожирни кўздан кечирмоқда. Кейинроқ бемор тез ёрдам машинасида касалхонага юборилган. Фото: Reuters
Луизиана штатининг Янги Орлеан шаҳрида истиқомат қилувчи Катрина Кертис мобил телефонида келаётган коронавирус инфекцияси ҳақидаги янгиликларни ўқиб хафа бўлмоқда. Фото: Reuters
Индонезиянинг Шарқий Ява провинциясида коронавирус инфекциясига қарши тарғибот ишлари доирасида бошига вирус шаклидаги шлем кийган полиция ходими. Фото: Reuters
Ўзбекистон бош вазири Абдулла Арипов Президент ўтказган видеоселекторда вирус блокаторини тақиб олди. Фото: Президент матбуот хизмати
Англиянинг Манчестер шаҳрида анъанавий қўриқчилар паради учун ясалган шифокор-қўриқчи. Фото: Getty Images
Уэльсдаги Ллин Мимбир қирғоғида руҳоний Стюарт Эллиотт Пасха байрами арафасида оловга дуо ўқимоқда. У коронавирус инфекцияси тарқалишининг олдини олиш мақсадида ҳамроҳларидан воз кечиб, ибодат жараёнини очиқ осмон остида онлайн трансляция қилишни маъқул кўрди. Фото: Getty Images
Ухандаги Янсзи дарёси соҳилида фарзанди билан бирга варрак учираётган ота. Фото: Getty Images
Чехиядаги Efko-karton компанияси томонидан ишлаб чиқарилаётган ниқобли ўйинчоқлар. Савдодан тушадиган фойданинг бир қисми тиббиёт ходимлари учун ҳимоя воситалари харид қилишга сарфланади. Фото: EPA
9 апрелга ўтар кечаси ёғган қор натижасида Тошкент шаҳри қулаган дарахтларга тўлди. Фото: «Дарё»
Франциянинг Мюлуз шаҳридаги ҳайвонот боғида ухлатиб қўйилган оқ айиқнинг панжаларини текшираётган ветеринар. Фото: Getty Images
Германиянинг Пирмазенс шаҳридаги шоколад фабрикасида Пасха байрами учун чиқарилаётган, ҳожатхона қоғози ушлаган ниқобли қуёнчалар. Фото: Reuters
Дрон ёрдамида суратга олинган Шаҳрисабздаги Оқсарой мажмуаси. Фото: «Дарё»/Умид Нормуродов
Парагвайнинг Асунсён шаҳрида ўтказилётган месса вақтида ниқоб таққан руҳоний. Фото: AP Photo
Испаниянинг Ронда шаҳрида ўтказилган бир йил аввалги диний маросимда олинган сурат. Бу йил оммавий маросимлар коронавирус туфайли бекор қилинган. Фото: Reuters
Қуёш ва унинг атмосфераси тасвирланган тарихдаги энг тиниқ расмлардан бири. Фото: PA Media
Хитойнинг Шандон провинциясидаги Жинан боғида табиатдан баҳра олаётган жуфтлик. Фото: Sinxua
Кипрнинг Никосия Муниципиал театрида Соғлиқни сақлаш вазирлигининг Қон банки томонидан ташкил этилган қон донорлиги тадбирида иштирок этаётган шифокорлар. Фото: Reuters
Аввалги кунларнинг фотогалереялари:
Изоҳ (0)