АҚШнинг Калифорния штати Лос-Анжелес шаҳрида кучли ўрмон ёнғинлари кузатилмоқда. 30 мингга яқин киши эвакуация қилинди. Бу ҳақда BBC хабар берди.
Калифорния ҳукумати ўрмон ёнғинлари туфайли фавқулодда ҳолат эълон қилган. 10 мингга яқин хонадон хавф остидалиги маълум. Штат губернатори Гевин Ньюсомнинг айтишича, кўплаб бинолар аллақачон ёнғин туфайли вайрон бўлган. Маҳаллий ўт ўчириш хизмати аланга аллақачон 500 гектардан ортиқ майдонни қамраб олганини айтган. Кучли шамол ҳамда қурғоқчилик туфайли у тарқалишда давом этмоқда.
Эвакуация жараёнида юзага келган тирбандликлар оқибатида ўнлаб автомобиль ва бошқа транспорт воситалари йўлларга ташлаб кетилган. Ўт ўчирувчилар уларни бульдозерлар билан йўл четларига тортиб, ўз йўлини тозалаб олган. Калифорния губернатори штатнинг бошқа ҳудудларига ҳам ёнғин таҳдид солиши мумкинлиги айтмоқда.
“Биз хавфсиз эмасмиз. Миллий метеорология хизмати шамолнинг кучайиши ва вазиятнинг ёмонлашишини прогноз қилди”, дейди Лос-Анжелес округи ёнғин хавфсизлиги бошлиғи Энтони Маррон.
Лос-Анжелесда аллақачон 17 000 дан ортиқ киши электр энергиясисиз қолган.
Изоҳ (0)