“Оскар-2023” мукофоти ғолиблари эълон қилинди (фото)

Дан Кван ва Дениел Шайнертнинг 11 та номинация бўйича тақдим этилган “Барчаси ҳамма жойда ва бир вақтнинг ўзида” фильми тақдирлаш маросимида еттита: “Йилнинг энг яхши актрисаси”, “Йилнинг энг яхши режиссёри”, “Йилнинг энг яхши оригинал сценарийси” ва “Йилнинг энг яхши монтаж қилинган фильми” йўналишлари бўйича ғолиб бўлди. “Кит” фильмида бош ролни ижро этган Брендан Фрэйзер “Йилнинг энг яхши актёри” номинациясида мукофотни қўлга киритди.

Шунингдек, “Оскар-2023” танловининг фаворитларидан бири “Ғарбий фронтда ўзгариш йўқ” фильми бўлиб, лойиҳа тўртта номинация бўйича, жумладан, “Энг яхши халқаро фильм” номинациясида тақдирланди.

“Йилнинг энг яхши фильми” — “Барчаси ҳамма жойда ва бир вақтнинг ўзида” кинокартинаси

Ушбу йўналиш бўйича қуйидаги фильмлар: “Ғарбий фронтда ўзгариш йўқ”, “Аватар: Сув йўли”; “Инишериналик Банши”, “Элвис”, “Фабелманлар”, “Тар”, “Топ Ган: Меверик”, “Ғамгинлик учбурчаги”, “Аёллар гапиради” лойиҳалари тақдим этилди.

“Йилнинг энг яхши хорижий бадиий фильми” — “Ғарбий фронтда ўзгариш йўқ”

“Энг яхши бадиий анимацион фильм” — Гилермо дел Торонинг “Пиноккио” фильми

“Энг яхши ҳужжатли фильм” — “Навалний”

“Энг яхши қисқа метражли бадиий фильм” — “Ирландча хайрлашув”

“Йилнинг яхши қисқа метражли анимацион фильми”  — “Бола, кўрсичқон, тулки ва от”

“Энг яхши қисқа метражли ҳужжатли фильм” — “Фил сеҳргарлари” кинокартинаси

“Йилнинг энг яхши режиссёри” — Ден Кван ва Дениел Шайнерт “Барчаси ҳамма жойда ва бир вақтнинг ўзида” фильми

Шунингдек, Мартин Макдона (“Инишериналик Банши”), Стивен Спилберг (“Фабелманлар”), Тодд Филдд (“Тар”), Рубен Эстлунд (“Ғамгинлик учбурчаги”) ҳам ушбу йўналишда муфокотни қўлга киритиш учун курашди.

“Йилнинг энг яхши актрисаси” йўналишида Кейт Бланшет (“Тар”), Ана де Армас (“Сариқ”), Андреа Рисеборо (“Лесли учун”), Мишел Уильямс (“Фабелманлар”), Мишел Еоҳ (“Барчаси ҳамма жойда ва бир вақтнинг ўзида”) номзодлар қаторига киритилди.

“Йилнинг энг яхши актёри” — Брендан Фрэйзер “Кит” лойиҳасидаги роли учун”

Ушбу йўналишда Остин Батлер (“Элвис”), Колин Фаррелл (“Инишериналик Банши”), Пол Мескал (“Менинг қуёшим”), Билл Ниги (“Яшаш”) номзод сифатида кўрсатилди.

“Иккинчи пландаги энг яхши актриса” – Жейми Ли Кертис “Барчаси ҳамма жойда ва бир вақтнинг ўзида” фильмидаги образи учун

“Иккинчи пландаги энг яхши актёр” – Ке Ҳюк Кван “Барчаси ҳамма жойда ва бир вақтнинг ўзида”

Актёр Ке Ҳюк Кван мукофотни олаётганда йиғлаб юборди ва нима бўлишидан қатъи назар орзудан воз кечмаслик кераклиги ҳақида илҳомлантирувчи нутқ сўзлади.

“Она, мен ‘Оскар’ олдим”, — деди актёр саҳнадан 84 ёшли онасига мурожаат қилиб.

“Энг яхши оригинал сценарий” — “Барчаси ҳамма жойда ва бир вақтнинг ўзида”

Бу номинацияда “Инишериналик банши”, “Фабелманлар” “Ғамгинлик учбурчаги”, “Тар” лойиҳалари номзодлар қаторига киритилди.

“Энг яхши мослаштирилган сценарий” — “Аёллар гапиради”

Ушбу йўналиш бўйича “Аёллар гапиради” кинокартинаси билан рақобатлашадиган фильмлар орасида “Ғарбий фронтда ўзгариш йўқ”, “Пичоқларни олинг: Шиша пиёз”, “Яшаш”, “Топ Ган: Меверик” лойиҳалари ҳам бор эди.

“Энг яхши овозлаштирилган фильм” — “Топ Ган: Меверик”

“Йилнинг яхши оригинал саундтреки” — “Ғарбий фронтда ўзгариш йўқ”

“Энг яхши қўшиқ: “РРР: Инқилоб яқинлашмоқда фильмидаги  “Наату Наату” таронаси

Шунингдек, бу номинацияда Леди Гага томонидан куйланган “Топ Ган: Меверик” фильмидаги Hold my Hand ва “Қора пантера: Абадий Ваканда” фильми учун Рианна куйлаган Lift me up қўшиғи ҳам номзод қилиб кўрсатилган.

“Энг яхши визуал эффектли фильм” — “Аватар: Сув йўли”

“Энг яхши монтаж иши” — “Барчаси ҳамма жойда ва бир вақтнинг ўзида”

“Йилнинг энг яхши операторлик иши” — “Ғарбий фронтда ўзгариш йўқ”

“Энг яхши костюмлар дизайни” — “Қора пантера: Абадий Ваканда”

“Энг яхши грим ва соч турмаги — “Кит” фильми

“Йилнинг энг яхши саҳналаштирувчи рассоми” — “Ғарбий фронтда ўзгариш йўқ” лойиҳаси