Dunyoga mashhur rejissyor Jeyms Kemeronning “Avatar: Suv yo‘li” filmi dunyo bo‘ylab eng ko‘p daromad keltirgan kinokartinalar safiga kiritildi. Filmda rol ijro etgan aktyorlar ham yanada mashhurlikka erishib, tomoshabinlar e’tirofiga sazovor bo‘ldi, biroq bir qarashda unda qaysi aktyorlar rol ijro etganini bilib bo‘lmaydi. Ayniqsa, filmning bosh qahramoni Jeyk Salli obrazini ijro etgan Sem Uortington maxsus effektlarsiz hayotda qanday ko‘rinishga ega?
Avstraliyalik aktyor Sem Uortington 1976-yil 2-avgustda Godalming, Surray, Angliyada tug‘ilgan. Uning oilasi Semning yoshligida Avstraliyaga ko‘chib o‘tgan va u Pert shahri yaqinidagi Varnbro shahrida o‘sgan. Uortington Fremantldagi Jon Kertin San’at Kollejida tahsil olgan, ammo uni tamomlamagan. 19 yoshida u Sidneyga ko‘chib o‘tib, turli qurilish ishlarida faoliyat olib borgan va keyinchalik Avstraliyaning Milliy Dramatik San’at institutiga o‘qishga kirgan.
U nafaqat “Avatar”dagi roli, balki “Terminator” va “Titanlar jangi” kabi boshqa filmlardagi obrazlari bilan ham mashhur. “Avatar: Suv yo‘li” da aktyor ijrosidagi Jeyk Salli syujetga ko‘ra adolat uchun kurash, muhabbat va tabiat bilan uyg‘unlik ramziga aylangan. Filmda uning qahramoni sobiq yerlik bo‘lib, filmda Na’vida Omatikaya urug‘ining rahbari bo‘ladi.
Haqiqiy hayotda u fantastik film qahramonidan butkul boshqacha ko‘rinishda. U avstraliyalik model Lara Binglga uylangan. Ular uch nafar farzandni tarbiyalashmoqda va aktyorning mashhurligiga qaramay, oddiy hayot kechirishni afzal ko‘rishadi. Uortington karyerasi davomida turli janrlardagi filmlarda ishtirok etib, xalqaro miqyosda mashhurlikka erishdi va zamonaviy kinematografiyada muhim o‘rin egalladi.
Kundalik hayotda esa u ko‘pincha jamoat tadbirlarida ko‘rinmaydi, aksincha, oilasi bilan ko‘proq vaqt o‘tkazishni ma’qul ko‘radi.
Qiziqarli fakt: Sem Uortingtonni “Avatar” filmidagi bosh rolga tasdiqlashdan oldin rejissyor Jeyms Kemeron bu rolni Mett Deymonga taklif qilgan, ammo Mett rad etgan, chunki u navbatdagi “Born” filmining suratga olish ishlari bilan band bo‘lgan. Keyinchalik aktyor bu rolni rad etganidan afsusda ekanligini tan olgan.
Izoh (0)