Корейс драмалари шунчалик ўзига қарам қилиши мумкинки, “ухлашдан олдин бир оз томоша қилиш” формуласи тўсатдан “эрталаб беш бўлди, аммо ҳалиям сериални тугатолмадим”га айланиши мумкин. Шунинг учун сиз учун тайёрлаган мазкур драмаларни дам олиш кунида, ҳеч қандай режангиз бўлмаганда томоша қилганингиз маъқул.
“Ўлим ўйини”
- Кинопоиск бўйича рейтинг: 8.4
Чхве I Же жонига қасд қилишга қарор қилади. Аммо унинг учун ўлим охирги ечим эмаслигини ким билибди дейсиз. Йигит ўз жонига қасд қилганидан кейин ҳам узоқ йўл босиб ўтади ва Ўлим билан хавфли ўйин ўйнайди.
“Қиролича Чорин”
- Кинопоиск бўйича рейтинг: 8.7
Енгилтабиат ёш ошпаз йигит тўсатдан замонавий Кореядан ХIX аср Чосон қироллигига тушиб қолади. Бу ҳам етмагандек энди унинг руҳи атрофини ғаламис сарой аъёнлари-ю ҳасадгўй кимсалар ўраб олган қиролича Чориннинг танасига кўчган.
“Қасос тантанаси”
- Кинопоиск бўйича рейтинг: 8.4
Қиз меъмор бўлишни орзу қилар эди, лекин у зўравонлик туфайли мактабни ташлаб кетишга мажбур бўлади. Мактаб ўқувчиси катта бўлади, лекин қасос олиш фикридан воз кечмайди. Бу йиллар давомида унга зўравонлик қилган кимсанинг оила қуришини кутади. Ана энди қасоскор қиз душманининг фарзанди ўқиётган мактабга ўқитувчи бўлиб ишга киради.
“Тўққиз думли тулки ҳақида ҳикоя”
- Кинопоиск бўйича рейтинг: 8.4
Ли Ён — тоғларда яшовчи маъбуд, у инсон қиёфасига киролади ва вақти-вақти билан инсонлар дунёсида тартиб ўрнатади. Аммо унинг ўгай акаси Ли Ран — одамлардан нафратланадиган махлуқ.
“Сичқон”
- Кинопоиск бўйича рейтинг: 8.5
Психопатларни генетик жиҳатдан аниқлай оладиган тажрибали детектив ва янги келган полиция ходими машҳур серияли қотилни қидирмоқда
“Қотиллар учун дўкон”
- Кинопоиск бўйича рейтинг: 8.1
Ота-онасиз қолган Чонг Жи Ан ғалати дўкон эгаси бўлган амакиси
билан яшай бошлайди. Амакисининг ўлимидан сўнг, қиз даҳшатли ҳақиқатга дуч келади.
“Самимий табассум”
- Кинопоиск бўйича рейтинг: 8.0
Мафтункор талаба Вей Вей У онлайн ўйинларга жуда қизиқади. Бўш вақтининг ҳар бир дақиқасини у виртуал дунёда ўтказади. Виртуал оламда ўзига чемпион-шерик топганида қизнинг ҳаёти кескин ўзгаради.
“Эримга турмушга чиқ”
- Кинопоиск бўйича рейтинг: 8.2
Аёл ўзининг энг яқин дугонаси билан ишқий муносабатда бўлиб, уни ўлдирган эридан ўч олиш учун 10 йил орқага қайтади.
“Самовий дунё сари”
- Кинопоиск бўйича рейтинг: 8.4
Эҳтиёткор йигит ва унинг амакиси марҳумларнинг уйларида тартиб ўрнатади, уларнинг ҳаётига киради ва марҳумнинг айтишга улгурмаган гапларини яқинларига етказади.
Изоҳ (0)