Кинотавсия: Юрагингиз тубидаги энг нозик ҳисларни уйғотиб юборадиган корейс сериаллари

Ҳозирда корейс кинематографлари кайфияти ва маъноси билан бутунлай бошқача асарлар яратяпти. Аслида бундай сериаллар чуқур психологик драмалар бўлиб, томошабинларда бир қанча саволлар туғдиради.

“Аэропорт йўлида” (2016)

Чой Су А 12 йилдан бери авиакомпанияда аудитор ёрдамчиси бўлиб ишлайди. Унинг эри учувчи, уларнинг 12 ёшли қизи бор. Тасодифан Су А Сео До Ву билан танишиб қолади. Эркакнинг ҳаёти ҳам ҳавас қиларли — оила қурган, қизи бор — лекин содир бўлган даҳшатли воқеа қаҳрамонларнинг ҳаётини ўзгартириб юборади.

“Сени севиб қолганимда” (2015)

Фильм 20 йилдан бери дўст бўлган ва ким 35 ёшдан олдин биринчи турмуш қурса, ўша катта пул олишига гаров боғлаган эркак ва аёл ҳақида ҳикоя қилади.

“Уч соатлик муҳаббат” (2019)

Эрининг янги ишга ўтгани муносабати билан кичик шаҳарчага кўчиб ўтган Сонг Жи Эн дўконда ярим кунлик иш топади. Агар маҳаллий мактабдаги
биология ўқитувчиси бўлмаганида, у бу ерларда зериккан бўларди.

“Ой ёғдуси”, (2016)

Чосон даври. Эркак қиёфасига кириб олган Ҳон Ра Он бошқа эркакларга учрашувларда ўзини қандай тутиш ҳақида маслаҳат беради. Бир куни тақдир уни валиаҳд шаҳзода Хёмён билан учраштиради.

“Менга овқат олиб берадиган чиройли опа” (2018)

Ёлғиз яшайдиган 30 ёшли Юн Жин А кофе компаниясида назоратчи бўлиб ишлайди. Дугонасининг укаси — унга боладек муомала қилган — хорижда ўқиб Кореяга қайтиб келади ва Жин Ага бошқача кўринишда намоён бўлади.

“Маликанинг ошиғи” (2011)

Малика Серён синглисининг эри бўлиш тақдирига ёзилган одамни севиб қолади деб ким ўйлабди дейсиз? Ким Сен Ю севги уни азобларга маҳкум этишини билармиди? Аммо қалбида абадий ўрнашган одамдан қандай воз кечиши мумкин? Хаёли фақат унда бўлса, қандай қилиб бошқанинг хотини бўлиши мумкин?

“Осмондаги юз миллион юлдуз” (2018)

Жин Ган санъат кўргазмасида Му Ён билан танишиб қолади. Аммо янги пайдо бўлган муносабатлар йўлида Жин Ганнинг полициячи акаси Му Ённи яқинда содир бўлган қотилликка алоқадорликда гумон қилмоқда.

“Ўлимга олиб келувчи севги” (2005)

Бош қаҳрамоннинг акаси бир пайтлар ўзи яхши кўрган қиз — ҳозирда машҳур актрисанинг унаштирилгани ҳақида билиб, ўз жонига қасд қилади. Қаҳрамон акасининг бахтсиз севгиси учун қасос олишга қарор қилади ва
актрисанинг шахсий тансоқчисига айланади.

“Яширин романс” (2014)

Оҳ Хе Вон Соҳан санъат марказида директор бўлиб ишлайди. У нафис ва назокатли, бошқалардан ажралиб туради. Бироқ бу ҳурматли хоним ундан анча ёш бўлган пианиночи Сун Жай Ли билан яширин севги муносабатларига эга.