Романтика мавсуми: фантастика жанридаги энг яхши корейс сериаллари

Кузнинг илиқ ва романтикага бой кунларида кўтаринки кайфият учун мазкур корейс телесериалларини томоша қилишни тавсия қиламиз.

“Хваюги”

“Ғарбга саёҳат” мультфильмидаги маймунлар қироли Сун Укун ҳақида эшитганмисиз? Агар йўқ бўлса, у билан замонавий талқинда танишишингиз мумкин, унда Ли Син Ги жасур ва довюрак исёнчи ролини ижро этган. Бироқ ўзининг манманлиги ва безорилигидан у Ерда банди қилинади. Бир куни уни озод қилишга ва сеҳрли кучларини қайтаришга қодир бўлган қиз қутқаради. Албатта, айёр Сун Укун бундан фойдаланади, лекин кейинчалик у қизнинг руҳларни кўра олиш қобилиятига ўзи сабабчи эканлигини билиб қолади.

“Дарё илоҳининг қаллиғи”

Бу дорамада севги осмондан тушишини орзу қиладиган қаҳрамонлар тасвирланган. Сув маъбуди Ҳа Бек ҳокимият учун зарур бўлган тош-артефактларни тўплаш ва тақдирига битилган қаллиғини топиш мақсадида бизнинг дунёмизга тушишга қарор қилади. Бироқ у ўша аёл билан учрашганда, бу ердаги мақоми ҳеч нарсани англатмаслигини тушунади. Аёл психиатр бўлиб ишлайди, шунинг учун Ҳа Бекнинг хатти-ҳаракатлари унга худди беморларининг ҳолатига ўхшаб туюлади. Кейинчалик у барчаси аллақачон тақдирида белгилаб қўйилганини билиб қолади, аммо улар бу тўсиқларни енга оладими?

“Гоблин”

“Токкаби”, “Гоблин” ёки “Демон” — бу афсонавий сериалнинг бир нечта номлари, уни ҳеч бўлмаганда бир марта кўриши керак. Чунки Гонг Ю ва Ким Го Иннинг бутун юлдузли карьераси айнан шу сериалдан бошланган, чунки сеҳрли романтика даражаси бу ерда ўз чўққисига етган. У қадимий токкаби бўлиб, абадийликдан чарчаган. Ундаги тавқи лаънатни олиб ташлашга фақат бир қиз ёрдам бера олади. Жи Ун эса катта ёш фарқига қарамай, дарҳол унга ошиқ бўлади.

“Дел Луна меҳмонхонаси”

Чан Ман Вол кўп асрлар давомида руҳлар меҳмонхонасини бошқариб келади. У вафот этганларга хотиржамликда бошқа дунёга кетишга ёрдам беради.

“Сен билан бўлиш тақдиримга ёзилган”

Жозибадор Чан Шин Ю адвокат бўлиб ишлайди, аммо Чосон давридан бери оила аъзоларига ўтиб келаётган қарғиш билан яшайди. Иш жойида у Ли Хон Жо билан танишади ва охир-оқибат у билан бирга қадимий сеҳр китобини топади. Ҳа, у китобда Шин Юни авлоддан авлодга ўтиб келаётган қарғишдан қутқаришга ёрдам берадиган нарса бор. Бироқ ҳаммаси бу қадар оддий эмас, чунки жуфтликни фақатгина бирга ишлаш эмас, балки бошқа нарсалар ҳам боғлаб туради.