Замонавий кинематография жуда кўп актёрлар фаолият юритади. Уларнинг аксариятини томошабинлар эслаб ҳам қолмайди, лекин дунё бўйлаб машҳурликка эришганлари ҳам кўпчиликни ташкил қилади. Баъзида эса машҳурлик кўплаб ноқулай вазиятларга олиб келади, лекин мутлақо кутилмаган совғаларни ҳам тақдим қилиш эҳтимоли йўқ эмас.
Қуйида бир пайтлар ўйнаган роли сабаб бошқа мамлакат фуқаролигини олган бир қанча иқтидорли ва машҳур актёрлар ҳақида ҳикоя қиламиз.
Роберт Де Ниро
Голливуднинг машҳур актёрларидан бири асли италян бўлса-да, актёр фақатгина 57 ёшида Италия фуқаролигини олган. Де Ниро АҚШда муҳожирлар оиласида туғилган, шунинг учун у ҳеч қанақасига Европа мамлакатларининг фуқаролигини олиш учун ариза бера олмаган.
Лекин Де Нирога катта кинода айнан италян мафиозларининг роллари катта машҳурлик олиб келди. Буни “Чўқинтирган ота” фильмидаги Вито Корлеоне, “Казино”даги Сем Эйс образлари тасдиқлайди. Шунингдек, у ўзига хос италянча акцент билан турли мультфильмларга ҳам овоз берган.
Бир пайт Де Ниро унинг актёрлик тақдирини айнан италиялик илдизлари белгилаб бергани ҳақида мулоҳаза қилишни бошлаган. Венециядаги фестиваллардан бирида актёр ҳатто интервью бериб, кинодаги хизматлари учун тез орада расман италиялик бўлишини айтган.
Дарҳақиқат, ҳукумат ва президент Сильвио Берлускони шахсан Де Нирога фуқаролик беришга рухсат берган. Де Ниро Италия паспортини халқаро кинофестивалда Рим мэридан қабул қилиб олган.
Арнольд Шварценеггер
Фуқаролик берилган Де Ниродан фарқли ўлароқ Арнольд Шварценеггер кўп йиллар давомида бунга интилиб яшашга мажбур бўлган. 21 ёшида у Австриядан АҚШга келган ва у ерда қисқа муддатли виза билан яшаган. Визани у оғир атлетика бўйича эришган ютуқлари туфайли олган.
Шварценеггер бодибилдинг бўйича бир қатор олий мукофотларга эришиш учун йиллар давомида спорт залида қаттиқ меҳнат қилган. Бир оз вақт ўтгач, у бодибилдинг ҳақида муаллифлик китобини ҳам ёзади, китоб кўп йиллар давомида дунё бўйлаб спортчилар орасида бесцеллерга айланди.
Тахминан ўша пайтдан бошлаб у фильмларда рол ўйнай бошлайди ва бир вақтнинг ўзида бизнес мактабида ҳам таълим олган.
Лекин ўша йиллар давомида унинг фуқаролиги бўлмаган. Қарийб ўн йил муҳожир статуси билан яшаган. Баъзи ҳолларда ҳатто ноқонуний.
Ниҳоят 15 йилдан сўнг актёрга расман фуқароликни олиш насиб қилди. Бунда эса Шварценеггерга актёрлик бўйича машҳурлиги катта ёрдам берган. У ўз бизнесини очиш баҳонасида фуқаролик олишга ариза топширган.
У аввал ҳам шу йўл билан фуқаролик олишга ҳаракат қилиб кўрган, лекин рад жавобини олган. Лекин “Варвар-Конан” фильмининг муваффақиятидан сўнг, актёрга фуқаролик берилган.
Том Хенкс
Том Хенкснинг қандай актёр экани ҳақида баҳслашиш ноўрин. Ортда қолган қирқ йил ичида у кўплаб машҳур фильмларида рол ўйнади. Унинг бутун дунёдан мухлисларга эга экани ажабланарли эмас. Ижодкорнинг мухлисларидан бири грециялик.
Ҳенкснинг рафиқаси онаси томондан юнон, шунинг учун Ҳенкслар оиласи бу мамлакатга мунтазам ташриф буюриб туради. 2018 йилда Грецияда катта ўрмон ёнғинлари содир бўлади. Греция эса бундай катта ёнғинга тайёр эмас эди.
Табиий офатга қарши курашиш учун қўшни мамкалатлар ва алоҳида шахслар ёрдамга келади. Табиийки, Улар орасида Том Хенкс ҳам бор эди. Маълум бўлишича, актёр ёнғинларни ўчириш учун катта маблағ ажратган, шунингдек, америкалик кўплаб зиёли қатламни ҳам жалб қилган.
Натижада ёнғинлар ўчирилди ва Хенкс маҳаллий бош вазир томонидан таклиф қилиниб, унга ва барча қариндошларига Греция фуқаролиги берилади. Маълум бўлишича, бош вазир Хенкснинг мухлиси ва “Форрест Гамп” фильмини жуда яхши кўрган.
Кери-Ҳироюки Тагава
Муваффақиятли ролидан кейин фуқароликни олган яна бир актёр Кери-Ҳироюки Тагава исмли америкалик япон актёридир. Томошабинларга уни “ўлим жанги” фильмидаги сеҳргар Шанг Сзунг роли билан танилган.
Ўзининг кўп йиллик фаолияти давомида актёр фақат салбий ролларни ўйнаган, лекин 2015 йилда актёр тўсатдан рус киносида пайдо бўлди. Ижодкор “Руҳоний сан” фильмида бош ролни ижро этади.
Картина Сюжети япон православ руҳонийининг оғир ҳаёти ҳақида ҳикоя қилади. Фильм унчалик машҳур бўлмаган бўлса-да, Тагаванинг ўзида ўчмас таассуротлар қолдирган. Фильм суратга олганидан сўнг, америкалик актёрда православликни қабул қилиш истаги пайдо бўлган.
Кери-Ҳироюки Россия фильмидаги иштироки ва православликни қабул қилганидан сўнг, деярли кўп ўтмай Россия фуқаролигини қабул қилган.
Изоҳ (0)