Ғарбий Австралиянинг айрим қисмларини ҳаддан ташқари иссиқ ҳарорат қамраб олди ва бутун мамлакат бўйлаб ўрмон ёнғинлари хавфини оширди. Бу ҳақда Reuters хабар бермоқда.
Австралия метеорология бюроси мамлакатнинг чекка ҳудудларини ‘‘ҳаддан ташқари иссиқлик’’ ҳақида огоҳлантирган. Синоптиклар дам олиш кунлари бу ҳаво ҳарорати юқори даражада сақланиб қолишини маълум қилди.
Агентлик маълумотларига кўра, Парабурду кончилар шаҳарчасида ҳарорат 47 даража иссиқни ташкил қилиши кутилмоқда, бу январь ойидаги ўртача кўрсаткичдан олти даража ошиқ.
Австралиядаги рекорд даражадаги энг юқори ҳарорат 2022 йил 13 январда Онслоуда 50,7 даража иссиқ кўринишида қайд этилган.
Жуда иссиқ ва қуруқ ҳаво жанубий шамоллар, янги ва кучли денгиз шабадалари билан биргаликда ёнғин хавфини ҳам оширади, — деди синоптиклар.
Қайд этилишича, том маънода январь ойи бошида Ғарбий Австралия штати пойтахти Перт шаҳри яқинида катта ўрмон ёнғини назоратдан чиқиб кетган ва маҳаллий аҳоли эвакуация қилинишига тўғри келган.
Изоҳ (0)