Чили марказидаги Вальпараисо ҳудудида содир бўлган ўрмон ёнғинлари оқибатида ҳалок бўлганлар сони 100 кишидан ошди. Бу ҳақда Ички ишлар вазири ўринбосари Мануэль Монсальве Т13 телеканали эфирида маълум қилди.
“Сўнгги маълумотларга кўра, 112 киши ҳалок бўлди”, — деди Монсальве.
Бунгача давлат суд-тиббиёт хизмати Вальпараисода содир бўлган ўрмон ёнғини қурбонлари сони 99 кишига етгани ҳақида хабар берган эди. У ҳозиргача фақат 32 жасаднинг шахси аниқланганини маълум қилган.
Чили президенти Габриэль Борич 2 февралда бошланган ёнғинлар сабабли мамлакатда икки кунлик мотам эълон қилган.
Аввалроқ Борич ўрмон ёнғинлари сабабли Вальпараисода ҳам фавқулодда ҳолат эълон қилганди.
Энг кўп зарар кўрган ҳудудлар Валпараисо ва O’Ҳиггинс эди, ҳатто иккинчи ҳудудда қизил огоҳлантириш бўлган. Ўт ўчирувчиларнинг эркин ҳаракатланишини таъминлаш мақсадида ҳудудда соат 08:00 дан 12:00 гача комендантлик соати жорий этилган. Расмийларга кўра, аланга 40 минг гектардан ортиқ майдонни қамраб олган.
Изоҳ (0)