Луис Суарез ўз жонига қасд қилишни режалаштирган эркакни қутқаришда иштирок этди.
“Интер Майами”нинг уругвайлик футболчиси Луис Суáрез ўз ватанида таътил вақтида фавқулодда воқеанинг гувоҳи бўлди.
Cиудад де ла Коста шаҳрида 49 ёшли эркак олти метр баландликдаги дарахтга чиқиб, севгилиси билан кўришишни талаб қилган. Эркак кечаси оилавий зўравонликка қарши кураш бўлимига қўнғироқ қилиб, ўз ниятини билдирган, сўнгра телефонини ташлаб, дарахтга чиқиб олган.
El Observador нашрининг ёзишича, эркак ўз жонига қасд қилиш билан таҳдид қилган ва бўйнига арқон боғлаган.
Воқеадан хабар топган Луис Суарез ҳодиса жойига келиб, эркакни бу ниятидан қайтаришга ҳаракат қилган. Бу ерда фавқулодда психосоциал ёрдам бригадаси, прокуратура, Республика гвардияси вакиллари ва бошқа масъуллар ишлаган.
18 соатдан сўнг, эркак дарахтдан тушишга рози бўлган. Энди у психиатрик экспертизадан ўтказилади.
Изоҳ (0)