«Интер» Италия Кубоги ярим финалида «Милан» устидан ғалаба қозониб (0:0, 3:0), финал йўлланмасини қўлга киритди.
«Нераззурилар» 2011 йилдан буён илк бор кубок финалида иштирок этади. Ўшанда «Интер» «Палермо»ни 3:1 ҳисобида таслим этиб, совринга эга чиққанди.
Тарихда 14 марта, 2004/05 йилги мавсумдан бери илк бор «Интер» ва «Милан» бир мавсумда ўзаро тўрт марта тўқнаш келди. Уларнинг еттитасида «россионерилар» мавсумдаги тўртала ўйинда ҳам ютқазмаган.
Италия Кубогининг иккинчи финалчиси 20 апрель куни бўлиб ўтадиган «Ювентус»—«Фиорентина» баҳсидан сўнг аниқ бўлади. Жамоалар ўртасидаги дастлабки ўйин туринликларнинг кичик ҳисобдаги ғалабаси билан якунланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)