Футбол бўйича Италия Кубогининг ярим финал жавоб ўйинида «Интер» 19 апрель, сешанба куни «Милан»ни меҳмон қилди.
Учрашувда «нераззурилар» 3:0 ҳисобида ғалаба қозонди. Мезбонлар сафида Лаутаро Мартинес дублга эришган бўлса, Робин Гозенс ўз ҳисобига битта гол ёздириб қўйди.
Жамоалар ўртасидаги дастлабки ўйин 0:0 ҳисобидаги дуранг натижа билан якунланган эди. Икки ўйин натижасига кўра «Интер» финал йўлланмасини қўлга киритди.
Иккинчи ярим финалда «Ювентус» «Фиорентина» билан баҳс олиб боради. Дастлабки ўйинда туринликлар кичик ҳисобда ғалаба қозонган.
Италия Кубоги
1/2 финал баҳси
19 апрель, сешанба
«Интер» — «Милан» 3:0
Голлар: 1:0 – 4 Мартинес, 2:0 – 40 Мартинес, 3:0 – 82 Гозенс.«Интер»: Ҳанданович, Дармиан, де Врей, Шкриньяр, Бастони (ДъАмброзио, 79), Перишич (Гозенс, 79), Брозович, Чалхонўғлу (Видаль, 73), Барелла, Корреа (Санчес, 70), Мартинес (Жеко, 70).
«Милан»: Меньян, Калабрия (Габбия, 73), Томори, Калулу, Эрнандес, Кессиэ, Беннасер (Крунич, 73), Салемакерс (Мессиас, 46), Тонали (Браим Диас, 46), Жиру, Рафаэл Леау (Лазетич, 86).
Огоҳлантиришлар: Эрнандес (35), Шкриньяр (50), Томори (90).
Изоҳ (0)