Ярим профессионал “Бартон Town” футбол клуби дарвозабони Жеймс Ҳичкок вокзалда содир бўлган ҳужумдан сўнг ҳалок бўлди. Бу ҳақда инглиз жамоасининг матбуот хизмати хабар берди.
Ҳичкок Ёрк шаҳридаги темир йўл станциясида юз берган ҳодисадан кейин бошидан олган жароҳатлари туфайли касалхонада вафот этди. Англия полицияси 22 ёшли гумондор Маккенси Дичиккони қўлга олгани ҳақида маълум қилди. У жанжал чиқариш ва қотилликда айбламоқда.
Ҳичкок мавсум бошида “Бартон Town” сафига қўшилган эди. Марҳумдан рафиқаси ва ўғли қолди.
Маълумот учун, декабрь ойининг бошида “Фиорентина” ва “Интер” жамоалари ўртасидаги А Сериянинг 14-тур учрашуви фожиа билан якунланиши мумкин эди. 16-дақиқада “Фиорентина” ярим ҳимоячиси Эдуардо Бове майдонда йиқилиб тушди. Кейинчалик унинг юраги тўхтагани ва эпилептик тутқаноқдан азият чекканлиги аниқланди. Ҳозирда Бове реабилитация курсини ўтамоқда.
Изоҳ (0)