«Интер» Италия Суперкубогини қўлга киритиш борасида «Милан»га етиб олди. Фақат бир жамоа ундан олдинда

«Интер» Италия Суперкубоги учун кечган баҳсда «Милан»ни 3:0 ҳисобида мағлуб этиб, совринга эга чиқди.

«Интер» ўтган йили ҳам Суперкубокда ғалаба қозонганди. Жамоа ўз тарихида иккини марта кетма-кет икки йил ушбу совринга эга чиқяпти. Бундан аввал 2005 ва 2006 йилда «Интер» бу совринни ўзиники қилганди.

Бу «Интер» учун еттинчи Италия Суперкубоги соврини бўлди. Бу борада «неразуррилар «Милан»га етиб олди. Фақат «Ювентус» миланликлардан кўпроқ (9 марта) ушбу совринга эга чиққан.

Қайд этиш керак, «Интер» ва «Милан» клублари ички кубоклар финали доирасида учинчи марта тўқнаш келди. 1977 йилги Италия Кубоги финали ва 2011 йилдаги Суперкубок финалида ҳам «Интер»нинг қўли баланд келганди.