Французларнинг 60 фоиздан ортиғи республика президенти Эммануэл Макроннинг истеъфосини ёқлаб чиқди.
Le Figaro газетаси буюртмаси билан Odoxa-Backbone социологик хизмати томонидан ўтказилган сўров натижалари шундан далолат беради.
Респондентларнинг 61 фоизи амалдаги давлат раҳбарининг истеъфосини ёқлайди. Нашр таъкидлаганидек, 2024 йил сентябридан буён бу кўрсаткич 7 фоиз пунктга ошган. Респондентларнинг 38 фоизи Макрон истеъфога чиқишига қарши, тадқиқот иштирокчиларининг яна 1 фоизи аниқ жавоб беришга қийналди.
Бундан ташқари, респондентларнинг 62 фоизи Макроннинг президентлигини авторитар деб таърифлайди. Кўпчилик французлар ҳам Франсуа Байру йил охиригача бош вазир бўла олмайди, деб ҳисоблайди – респондентларнинг 86 фоизи Франция президенти 2025 йилда янги бош вазирни тайинлаши кераклигига ишончи комил.
Аввалроқ Politico йилнинг энг омадсиз сиёсатчиларини эълон қилганди. Бу рўйхатдан нашри Россия президенти Владимир Путин, Германия канцлери Олаф Шольц, Венгрия бош вазири Виктор Орбан ва Суриянинг қочоқ президенти Башар Асад қаторида Франция президенти Эммануэл Макрон ҳам ўрин олганди.
Politico нашри таъкидлашича, 2024 йил Макрон узлуксиз муваффақиятсизликларга дуч келди: партиясининг Европарламент сайловларидаги мағлубиятидан тортиб, Францияда муддатидан олдинги сайловларгача.
“Бу қийинчиликлар бир йил ичида иккита ҳукуматнинг қулаши билан якунланди, учинчи ҳукуматнинг қулаши эса, эҳтимол, ҳали олдинда”, дея таҳририят мулоҳаза қилган.
Изоҳ (0)