Франция украиналик ҳарбийларни ўқитиш учун «ихтисослаштирилган машғулотлар» ўтказмоқда, аммо бу ҳақда эълон қилгани йўқ, деб ёзади «РБК». Буни Франция мудофаа вазири маслаҳатчиси Себастьен Лекорню Politico нашрига маълум қилган.
Унинг аниқлик киритишича, президент Эммануэль Макроннинг «мувозанатлаштирувчи мамлакат» бўлиб қолиш истаги туфайли, Франция украиналик аскарларни оммавий тайёргарликдан ўтказиш механизмини ишга туширмасликка қарор қилган.
«Эммануэль Макрон етарлича аниқ-равшан билдирди — Украина ғолиб бўлади ва ғолиб бўлиши шарт, бироқ Россияни ерга уриш керак эмас… Бизнинг йўналишимиз шундан иборатки, Украинага ёрдам бериш учун у билан ҳамжиҳатлигимизни кўрсатишимиз керак, агар ундай бўлмаса, зиддият тўхтаганидан кейин ўз ролимизни ўйнаш имкониятига эга бўлишимиз керак», — деди у.
Шу сабабли, расмий маълумотларга кўра, Украинадаги ҳарбий ҳаракатлар бошидан буён Франция 40 га яқин аскарни Франциянинг «Цезарь» ўзиюрар ускуналари билан ишлашга ўргатган. Аммо қолган ўқув дастурлари бўйича маълумотлар тўлиқ махфийлаштирилган.
Буюк Британия таянч тайёргарлик бўйича олға кетишга қарор қилди. Биз эса янада ихтисослаштирилган тайёрлаш жараёнини олиб бормоқдамиз», — деди вазир маслаҳатчиси бошқа тафсилотларни ошкор қилмасдан.
Украина ҳарбийларини мамлакат ташқарисида ўқитиш бўйича расмий таклифни биринчи бўлиб Буюк Британия собиқ бош вазири Борис Жонсон июнь ўрталарида берган эди.
Британия ҳукумати Интерфлех дастурини ишга туширди ва ҳар тўрт ойда 10 минг нафаргача украиналик ҳарбийларни қруқликдаги қўшинлар тактикаси, қурол билан ишлаш, биринчи ёрдам, машқ лагерлари тармоғи орқали эвакуацияга ўқитиш мақсадини ўз олдига қўйди. Режага кўра, бу Киевга қарши ҳужумни кучайтиришда ёрдам бериши керак.
Швеция, Финляндия, Дания, Литва, Канада, Нидерландия ва Янги Зеландия украиналик аскарлар учун ўз инструкторларини юборишга улгурди.
Изоҳ (0)