Қуёшнинг Ерга қараган томонида янги Х даражали кучли чақнаш содир бўлди.
Бу ҳақда Россия Фанлар академияси Коинот тадқиқотлари институти Қуёш астрономияси лабораторияси раҳбари Сергей Богачевга таяниб, Россия ОАВ хабар берди.
“Қуёшда янги Х даражали чақнаш пайдо бўлди. Қуёш-Ер чизиғида космик кузатув маълумотлари ва дастлабки ҳисоб-китобларга кўра, энг юқори даражадаги янги портлаш қайд этилган. Портлаш даражаси Х1.1 ни ташкил қилади”, деди олим.
Август ойи бошида Ерда содир бўлган магнит бўрони беш кўрсаткичли мониторинг шкаласи бўйича “кучли” деб баҳоланган G3 нинг юқори даражасига етганди.
Бу даража Ердаги энергия тизимларида муаммолар, жумладан, хавфсизлик тизимларида нотўғри сигналлар пайдо бўлиши мумкинлигини англатади. Ҳозирда Ер сайёрасига Қуёшдан янги магнит бўронлари ёпирилиши хавфи бор.
Изоҳ (0)