Ерни ўртача даражадаги магнит бўрони қоплади. Бу ҳақда The Watchers нашри хабар берди.
Маълум қилинишича, Қуёшнинг тешикли ҳудуди (Қуёшдаги қоронғи ҳудудлар — паст ҳароратли ва зич плазмали бўлиб, “тож тешиклари” деб аталади) Ер томон бурилган, ундан юқори тезликдаги оқим ажралиб, сайёра томон йўналган.
G1 тоифасидаги магнит бўронининг биринчи таъсири 15 июнь куни сезилган ва ҳозирда (16 июнь) у G2 даражага қадар кучайган. 17 июнь куни ҳам унинг фаоллиги сақланиб қолиши, 18 июнга келиб эса магнит бўрони таъсири заифлашиши кутилмоқда.
Июнь ойидаги магнит бўронлари
Яқин кунларда Ерни кучли магнит бўрони қоплаши прогноз қилинган. У кетма-кет уч кун: 18 июндан 20 июнгача давом этади. Унинг кучи 5 балл бўлиши кутилмоқда, бу эса уни июндаги энг кучли магнит бўронига айлантиради. Шундан сўнг, 30 июнда қуёш фаоллиги яна кучайиши мумкин.
Магнит бўронлари ҳатто ўрта кучга эга бўлса ҳам, инсон саломатлигига салбий таъсир кўрсатади
Бундай кунларда организмга ёрдам бериш учун кунига камида 7-8 соат ухлаш маслаҳат берилган. Рациондан ёғли ва аччиқ овқатларни олиб ташлаб, кунига камида 2 литр сув ичиш тавсия қилинади. Қаҳва миқдорини камайтириб, ўсимликлардан тайёрланган чой истеъмол қилиш керак.
Шунингдек, контрастли душ, эрталабки машқлар, тоза ҳавода юриш, югуриш магнит бўрони фонида саломатликни яхшилашга ҳисса қўшади.
Изоҳ (0)