Россия Фанлар академияси Космик тадқиқотлар институтининг Қуёш астрономияси лабораторияси маълумотларига кўра, Ерда магнит бўронлари 20 июль куни кузатилган ҳамда 21 июлда давом этиши кутилмоқда.
Маълум бўлишича, 20 июль куни магнит бўронлари фаоллиги соат 15:00 дан 18:00 гача ўзининг энг юқори даражасига етган . Бўрон кучи Кр-индексига кўра 9 баллдан 4 баллни ташкил этган.
21 июлда кучли магнит бўрони 20 фоизни ташкил этиши кутилмоқда.
Магнит бўронларининг фаоллиги энг юқори даражага етмаса-да, об-ҳавога сезгир одамлар бир қатор нохуш аломатларга дуч келишлари мумкин. Одатда бу бош оғриғи, оёқ-қўллардаги заифлик ва апатия, баъзи ҳолларда қон босими кўтарилиши ва мавжуд сурункали касалликлар қўзғаши эҳтимоли мавжуд.
Қуёш фаоллигининг сезиларли даражада ошиши 12 июлдан бери кузатилмоқда. 16 июлгача бўлган тўрт кун ичида 10 дан ортиқ М даражасидаги чақнашлар (бу 5 баллик шкала бўйича қуёш ҳодисаларининг тўртинчи энг кучли даражаси), шунингдек иккита Х дан юқори даражадаги чақнашлар қайд этилган.
Изоҳ (0)