Қуёшнинг фаол қисмларидан бирида кучли чақнаш содир бўлди, зарраларнинг бир қисми Ерга етиб бориши мумкин. Бу ҳақда The Watchers нашри хабар берди.
2023 йил 20 сентябрь куни UТC 14:19 да (Тошкент вақти билан 19:19 да) М8.2 синфидаги кучли қуёш чақнаши содир бўлди. Ҳодиса олти дақиқа давом этиб, Тошкент вақти билан соат 19:25 да тугаган.
Гарчи Қуёшнинг чақнаш содир бўлган қисми Ерга қарамаган бўлса-да, зарраларнинг бир қисми сайёрамиз томон ҳаракатланаётган бўлиши мумкин. Мутахассислар яқин кунларда Ерга қараган чақнаш кузатилишини прогноз қилмоқда.
Сентябрь ойидаги магнит бўронлари
Прогнозларга кўра, сентябрь ойи охиригача камида иккита магнит бўрони кузатилиши кутилмоқда. Бири 26 сентябрда бошланади ва анча кучли бўлади. Тахминан, уч кун, 28 сентябргача давом этади. Охирги магнит бўрони эса 30 сентябрь куни кузатилиши мумкин.
Изоҳ (0)