Июль ойидаги энг кучли Қуёш чақнашларидан бири Ерда магнит бўронига олиб келиши мумкин. Бу ҳақда Fobos об-ҳаво маркази хабар берди.
Июль ойи кучли магнит бўрони билан тугайди, ўтган кечада охирги 12 кун ичида илк марта Қуёшда Х1,5 куч билан максимал чақнаш содир бўлди, у жорий йилнинг энг кучли йигирмата чақнашлар рўйхатига кирди, дейилади хабарда.
Мутахассисларнинг фикрича, G1 синфидаги кучсиз магнит бўрони Ерда 29 июль кечаси бошланиши мумкин, у 30 июль куни аста-секин кучайиб, тушдан кейин G3 синфининг максимал даражасига етиши кутилмоқда.
- Магнит бўронларининг кучи беш балли шкала бўйича баҳоланиб, G1 даражасидаги бўронлар энг заиф ҳисобланади. G1 бўронлари электр жиҳозларининг фаолиятига деярли таъсир қилмайди; G3 кучли даражадаги бўрон бўлиб, у энергия тизимларига бевосита таъсир қилади ва сунъий йўлдош навигацияси ва радиоалоқадаги узилишларга олиб келади.
- Максимал даража — G5 электр тармоғидаги кенг кўламли муаммолар ва сунъий йўлдошлар ҳамда радио алоқаларининг ишлашида жиддий носозликларга сабаб бўлиши мумкин.
Июль ойининг охирги кунида Ер магнитосферасидаги ўзгаришлар сусаяди ва магнит бўрони аста-секин тўхтайди.
Россия ФА Коинот тадқиқотлари институти Қуёш астрономияси лабораторияси сайтида магнит бўрони эҳтимоли 30 июлда 25 фоиз, 31 июлда эса 30 фоизни ташкил этиши қайд этилган.
Изоҳ (0)