Россия Амалий геофизика институтининг гелиогеофизик хизмати Қуёшда кучли чақнаш содир бўлганини маълум қилди.
“28 январь куни Тошкент вақти билан соат 9:38 да 3559 (Н28W86) қуёш доғлари гуруҳида рентген диапазонида 61 дақиқа давом этган М6.8 чақнаши аниқланди”, — дейилади хабарда.
Мутахассислар чақнашдан сўнг протон оқимлари Ер бўшлиғига кириши ва магнит бўронларини келтириб чиқариши мумкинлигини айтмоқда. Ҳозирги вақтда қуёш рентген нурлари чақнашларининг Ер ионосферасига таъсири, беш кўрсаткичли шкала бўйича энг паст Р1 (заиф) даражада.
Қуёш чақнашлари М1 дан Х20 гача бўлган даражаларга таснифланади. М ёки Х интенсивлик синфини, рақам эса чақнаш кучини билдиради. М1 кичик; М5 ўртача; Х1–Х10 кучли, Х20 экстремал ҳисобланади.
Изоҳ (0)