Исроил мудофаа вазири Исроил Кац 2024 йил июлида Теҳронда ҲАМАС сиёсий бюроси раҳбари Исмоил Ҳаниянинг ўлдирилиши ортида Исроил расмийлари турганини биринчи марта тасдиқлади, деб ёзади The Times of Israel.
Кац Исроилга ракета ва дронларни учираётган Ямандаги ҳусийларга қарши кураш ҳақида гапирар экан, бу ҳақда эслатиб ўтди. Вазир Исроил ҳарбийлари ҳусийлар инфратузилмасига зарба беришда давом этишига ваъда берди.
Биз уларнинг раҳбарларининг бошини кесиб ташлаймиз. Биз Теҳрон, Ғазо ва Ливанда Ҳания, унинг вориси Яҳё Синвар ҳамда Ливан “Ҳизбуллоҳ”и раҳбари Ҳасан Насруллоҳ билан қилганимиз каби, биз буни Ҳодейда ва Санода ҳам амалга оширамиз, деди Кац.
ҲАМАС етакчиларидан бири Исмоил Ҳания 2024 йил 31 июлга ўтар кечаси Теҳронда ўлдирилган эди. Исроил ҳодиса учун жавобгарликни расман ўз зиммасига олмаган.
Эрон олий раҳнамоси Али Хоманаий Ҳания ўлдирилганидан кейин бир неча соат ичида Исроилга тўғридан тўғри зарба беришни буюрган. Кейинроқ NYT нашри Ғазо бўйича музокараларни тўхтатмаслик учун ҳужум кейинга сурилганини айтган.
Ҳаниянинг ўлимидан сўнг, ҲАМАСга Яҳё Синвар бошчилик қилган, уни Исроил 2023 йил октябрдаги “ҳужуми уюштирувчиси” деб атаган. Синвар 17 октябрь куни Исроил ҳужумида ҳалок бўлган.
Изоҳ (0)