Супер ярим ўрта вазн тоифасида украиналик боксчи Сергей Богачук собиқ жаҳон чемпиони Исроил Мадримов (10-1-1, 7 КО) ва WBC Интерим чемпиони Виржил Ортис (22-0, 21 КО) ўртасидаги жанг ҳақида гапирди.
— Сизнингча, Мадримов Кроуфордни мағлуб этганмиди?
— Ҳа. Мадримов фаолроқ, ақллироқ эди ва у жангда ғалаба қозонганди. Бу менинг фикрим.
— Исроил Ортисни мағлуб эта оладими?
— Ўйлайманки, жанг 12 раунд давом этади ва унда Мадримов ғалаба қозонади. Мен келажакда Исроил Мадримов билан учрашишга тайёрман, деди украиналик боксчи.
Маълумот учун, Исроил Мадримовнинг Вержил Ортисга қарши жанги 2025 йилнинг 22 февраль куни Саудия Арабистони пойтахти Ар-Риёд шаҳрида бўлиб ўтади. Ушбу оқшомнинг марказий жангида икки рус боксчилари Артур Бетербиев ва Дмитрий Бивол реванш мақомидаги баҳсда тўқнаш келади.
Исроил Мадримов ва Богачук ўртасидаги жанг 21 декабрь куни ўтказилиши керак эди. Ушбу жанг ўзбекистонлик боксчининг жароҳати сабаб бекор қилинди. Унинг ўрнига англиялик Ишмаэл Дэвис танланганди.
Тайсон—Усик реванш жанг кечасида Богачук англиялик рақибини 6-раундда техник нокаутга учратди.
Изоҳ (0)