Фаластиннинг ҲАМАС ҳаракати аъзолари етакчиси Яҳё Синвар вафотидан кейин ташкилотга етакчилик қиладиган янги раҳбар номини ошкор этиш ниятида эмас. Бу ҳақда “Аш-Шарқ ал-Авсат” нашри тегишли манбаларга таяниб хабар берди.
Нашрга кўра, бу ҳаракат ичидаги тартиб ва ҳамжиҳатликни сақлашга ёрдам беради.
“Ҳаракат раҳбарияти сиёсий бюронинг янги раҳбари шахси бўйича эксклюзив қарор қабул қилишга интилмоқда ва ҳаракат олдида турган хавфсизлик муаммолари туфайли унинг исмини сир сақлаши мумкин”, дейилади хабарда.
ОАВ хабарларига кўра, Синварнинг вориси лавозимига тўрт киши даъвогарлик қилмоқда. Улар орасида Муҳаммад Дарвиш, Халил Хайя, Муҳаммад Наззал ва Холид Машъал бор. Айтилишича, иккинчи номзод аллақачон ҳаракат раҳбари вазифасини бажарувчи сифатида масъулиятни зиммасига олган ва эндиликда музокаралар ҳамда маҳбуслар билан боғлиқ муаммоларни ҳал қилишда иштирок этаётган асосий томонлар билан барча алоқалар учун жавобгардир.
Синвар август ойида ҲАМАС раҳбари этиб тайинланган эди. ҲАМАСнинг Синвардан аввалги етакчиси Исмоил Ҳания Теҳронда ракета ҳужумида ҳалок бўлганди. Синварнинг ҳалок бўлани ҳақида хабарлар 17 октябрь куни маълум бўлди.
Эртаси куни Исроил армияси Фаластин раҳбари ҳаётининг сўнгги лаҳзалари акс этган кадрларни эълон қилди.
Изоҳ (0)