Фаластиннинг ҲАМАС ҳаракати Ғазо келишувининг биринчи босқичида урушни бутунлай тугатиш шартидан воз кечди, дея хабар бермоқда Al Arabiya.
Бу жумладан, тиббий ёрдам зарур бўлган гаровдагиларни, шунингдек Ғазо секторида ушлаб турилган кексалар ва аёл ҳарбийларни озод қилишни ўз ичига олади. Оммавий ахборот воситалари декабрь ойи охиригача келишув имзоланиши мумкинлигини қайд этди.
Нашр маълумотларига кўра, ҲАМАС келишувнинг биринчи босқичида тўлиқ оташкесим эълон қилиш ва Исроил қўшинларини олиб чиқиб кетиш ҳақидаги аввалги талабидан ҳам воз кечган. Шу билан бирга, ҳаракат расмийлари анклавнинг шимолий ҳудудлари аҳолиси исроил ҳарбийлари назоратсиз ўз уйларига қайтиш имкониятига эга бўлишлари кераклигини таъкидламоқда.
Келишув доирасида Исроил қамоқдан озод қилиши керак бўлган фаластинлик маҳбуслар Қатар ва Туркияга юборилиши режалаштирилмоқда. Al Arabiyaнинг ёзишича, ҲАМАС ушбу вариантни маъқуллаган. Томонлар биринчи босқичда озод қилмоқчи бўлган маҳбуслар ва гаровга олинганлар сони аниқланмаган.
Бир кун аввал ҲАМАС Исроил янги шартларни илгари суришни тўхтаца, келишув имзоланиши мумкинлиги ҳақида баёнот берган эди. Ynetънинг нашрига кўра, “шартноманинг барча тафсилотлари аллақачон маълум”, аммо асосий баҳс биринчи босқичда ҲАМАС озод қиладиган гаровдагилар сонига қаратилган.
Изоҳ (0)