“Қўрғон сирлари” сериалидаги Берил Позам ва Эрсин Арижининг шов-шувли тўйидан сўнг, суратга олиш майдончасида танишиб, оила қурган турк актёрлари ҳақида гаплашамиз.
Ўзге Гурел ва Серкан Чайўғлу
Серкан Чайўғлу ва Ўзге Гурел ҳақиқий севги ҳеч қандай тўсиқ билмаслигини исботлади, чунки “Олча мавсуми” сериалида суратга тушгандан кейин муносабатларни бошлаган жуфтлик маълум муддатга ажралишганди, лекин охир-оқибат улар турмуш қуришди. Севишганлар ўртасида юзага келган баъзи тушунмовчиликлар вақт ўтиши билан ҳал қилинди, шу сабаб мухлислар 2022 йил июль ойида ажойиб тўйга гувоҳ бўлишди. Ўзге ва Серкан бир-бирини мукаммал тарзда тўлдиради, барча вазиятда бир-бирларини қўллаб-қувватлайди ва, албатта, севгилари ҳақида гапиришдан тортинмайди.
Берил Позам ва Эрсин Арижи
-LCofIkEA-I-58uCy0.webp)
Маълум бўлишича, Берил ва Эрсин ўртасидаги муносабатлар 2023 йилнинг ёзида, лойиҳанинг биринчи мавсуми устидаги ишлар якунланган пайтда бошланган. Юлдузлар ҳеч қачон муносабатларини тасдиқламаган, лекин уларнинг севгиси жуда тез ривожланди. 2024 йил август ойининг бошида тўй ҳақидаги миш-мишлар тарқала бошлади, лекин бунга ҳеч ким ишонмади. Охир-оқибат 2024 йил 19 августда Эрсин Арижи ва Берил Позам расман турмуш қуришди.
Бурак Ўзчивит ва Фаҳрие Эвжен
Бурак Ўзчивит ва Фаҳрие Эвжен “Чолиқуши” сериалининг суратга олиш майдончасида танишган. Аввалига актёр бўлғуси рафиқасини “Севги сенга ўхшайди” фильмида рол ўйнашга таклиф қилади, кейин эса... Фаҳрие Эвжен унинг қарори жиддий эканини англайди ва тезда ота-онаси билан таништиради. 2017 йил 29 июнь куни интернетда узоқ вақт давомида муҳокама қилинган дабдабали тўй бўлиб ўтади. Икки йил ўтгач, ёш оила Каран исмли ўғил кўради.
Бергузар Корел ва Ҳалит Эргенч
Ҳалит ва Бергузар олдин ҳам учрашишган: ресторандаги тасодифий учрашув уларнинг муносабатларидаги бошланғич нуқта эди, ўша пайтдаёқ Эргенч актрисага мафтун бўлади. Тақдир тақозосига кўра актёрлар яна учрашишади, лекин бу сафар “Минг бир кеча” сериалининг суратга олиш майдончасида. Аммо бу пайтда актёр оилали эди, юрагига буйруқ беролмаган эркак рафиқаси билан ажрашади. Натижада 2009 йилда Бергузар билан турмуш қуради.
Неслиҳан Атагул ва Кадир Доғулу
Кадир ва Неслиҳан 2013 йилда “Ишқ соҳиллари” сериалининг суратга олиш жараёнида танишган. Улар лойиҳа устида ишлаётган вақтларида жуда яқин бўлиб кетишади, ҳатто ёшлари ўртасидаги 10 йиллик фарқ ҳам бунга халақит бермайди. Ҳаммаси жуда тез содир бўлади, лекин актёрлар уч йилдан сўнг — 2016 йилда турмуш қуришади. Гарчи турк матбуоти уларнинг муносабатларига жанжал ва ғийбат билан соя солишга ҳаракат қилган бўлса-да, Кадир Дўғулу ва Неслиҳан Атагул доим бирга. Ҳозирда эса эр-хотин фарзанд кутмоқда, бу уларнинг мухлислари учун қувончли хабар бўлди.
Изоҳ (0)