Қашқадарё вилоятининг Кўкдала туманида иситиш тизимини таъмирлашда 934,4 млн сўмни ўзлаштирган МЧЖ раҳбари аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, “С-ТҲ.” МЧЖ масъул шахслари ва бошқалар ўзаро тил бириктириб, тумандаги ижтимоий соҳа объектларининг иситиш тизимида бажарилган қурилиш-таъмирлаш ишларида расмий ҳужжатларга амалда бажарилмаган ишларни қўшиб ёзган.
Бу орқали эса жами 934,4 млн сўм ва ушбу объектларни иситиш учун олиб келинган 79 тонна кўмирни талон-торож қилган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)