Хитойда шифокорлар уч яшар қизчанинг бошидан 15 сантиметрли пичоқни чиқариб олди. Бу ҳақда South China Morning Post хабар берди.

Интернетда бошига пичоқ санчилган қиз ва унинг онаси шифохонага кетаётгани акс этган видео тарқалган. Ҳодиса Юннан провинциясидаги Кунминг шаҳрида август ойида юз берган. Онанинг сўзларига кўра, у кўрпа-тўшакларни алмаштираётиб, бехосдан чойшабни силтаб юборган. Оқибатда ёнидаги 15 сантиметрли пичоқ учиб бориб, қизнинг бошига санчилган.
Бироқ шифохона ходимларидан бири она аслида қизини қўрқитиш учун пичоқни қўлига олганини айтмоқда. Оқибатда аёл уни эҳтиётсизлик билан қизининг бошига отиб юборган.
“Тиббиёт ходимлари пичоқни муваффақиятли олиб ташлади, қизалоқ касалхонада барқарор аҳволда”, дейилади хабарда.
Қизнинг бош суяги юмшоқлиги сабабли пичоқ ўлимга олиб келмаган.

“Агар қизчанинг онаси шошқалоқлик билан пичоқни суғуриб олганида, хавф жуда катта бўларди. Зудлик билан профессионал тиббий ёрдамга мурожаат қилиш тўғри йўл”, деди шифокор.
Изоҳ (0)