Хоразм вилоятининг Янгиариқ туманида кўмир сотиб олиш учун ажратилган маблағларни талон-торож қилган МЧЖ раҳбари аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, “Я.Ф.” МЧЖ масъул шахслари давлат хусусий шерикчилик битимига асосан тумандаги 31 та ижтимоий соҳа объектларини иситиш мавсумида кўмир билан узлуксиз таъминлаш учун ажратилган маблағларнинг 301,1 млн сўмини бошқа мақсадларга сарфлаб, растрата қилиш йўли билан билан талон-торож қилганликлари аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)