Оклаҳомада 19 декабрь куни АҚШнинг 2024 йилдаги сўнгги қатл этиш маросими амалга оширилди. Бу ҳақда NBC News телеканали хабар берди.
“19 декабрь куни эрталаб Оклаҳомада АҚШнинг 2024 йилдаги сўнгги қатл этиш маросими ўтказилди: 2006 йилда 10 ёшли қизни ўлдиргани учун ҳукм қилинган озиқ-овқат дўконининг собиқ ходими қатл этилди”, дейилади хабарда.
Телеканал маълумотларига кўра, 45 ёшли эркак ўз туғилган кунида ўлим инексияси орқали қатл этилган. Аввалроқ Оклаҳома штатининг Афв этиш ва муддатидан илгари шартли озод қилиш бўйича кенгаши унинг афв этиш тўғрисидаги илтимосномасини рад этганди.
Associated Press агентлиги АҚШнинг Индиана штати ҳокимияти 15 йил ичида илк бор ўлим ҳукмини ижро этгани ҳақида хабар берганди. Штат маъмурлари 2024 йилда қатл этиш учун зарур бўлган пентобарбитал дори воситасини қўлга киритишга муваффақ бўлганини айтган.
Ўлим жазосини бекор қилиш тарафдорлари коалицияси АҚШ президенти Жо Байденни сайланган президент Дональд Трамп Оқ уйга киргунга қадар ўлим жазосига ҳукм қилинган барча 40 федерал маҳбуснинг жазоларини юмшатишга чақирган мактублар юборган.
Федерал ўлим жазосини тугатиш тарафдори бўлган Байден президентлик даврида мораторий жорий қилди, Трамп эса федерал ўлим жазосини кенгайтиришини айтди.
Яқинда ўтказилган Gallup сўрови ўлим жазосини миллий қўллаб-қувватлаш ўнлаб йиллар давомида ўзининг энг паст даражасига тушганини кўрсатган бўлса-да, кўп жиҳатдан амалиёт 2024 йилдаги 25 та қатлнинг аксарияти амалга оширилган бир нечта штатларда — Алабама, Миссури, Оклаҳома ва Техасда пасаймаган.
Изоҳ (0)