Кубадаги элчихонада ишлаган Шимолий Корея дипломати оиласи билан Жанубий Кореяга қочиб кетган. Ҳодиса ўтган йили содир бўлган, бироқ бу ҳақда энди эълон қилинмоқда.
Сеул разведкаси дипломатнинг қочиб кетганини тасдиқлаган. Қайд этилишича, Ри Ил Гю исмли юқори мартабали амалдор Кубада тўққиз йил ишлаган, бироқ 2023 йил ноябрида тўсатдан ўз лавозимини тарк этган. Амалдор КХДР режимидан ҳафсаласи пир бўлганини айтган. Қочишга Ташқи ишлар вазирлигидаги коррупция, шунингдек, ҳукумат унинг даволаниш учун Мексикага бориш ҳақидаги илтимосини рад этгани сабаб бўлган.
Ри Ил Гю Шимолий Корея етакчиси Ким Чен Иннинг Ташқи ишлар вазирлигига нисбатан муносабатини танқид қилиб, икки юқори мартабали дипломат тақдири ҳақида гапирган. Муаммо 2017 йилда Ким Чен Ин Ташқи ишлар вазирлигига тўғридан тўғри қўнғироқ қилганида пайдо бўлган, бироқ на ташқи ишлар вазири Ли Ён Хо, на биринчи ўринбосар Ким Ке Гван жавоб берган.
Қочоқ дипломат КХДР собиқ ташқи ишлар вазири Хан Сон Реёл АҚШ фойдасига жосуслик қилганликда айбланиб қатл этилгани, вазир эса 2019 йил декабрь ойида коррупцияда айбланиб, оиласи билан бирга сиёсий лагерга жўнатилганини айтган.
Изоҳ (0)