Республикачилар партиясидан президентликка номзод Дональд Трамп муҳожирлар Америка фуқароларини ўлдиргани учун ўлимга ҳукм қилиниши керак, деб ҳисоблайди.
“Мен хорижликлардан ташкил топган гуруҳларнинг барча аъзоларини тўплайман ва улар қамоққа ташланади ёки мамлакатимиздан чиқариб юборилади, шунда бирортаси ҳам қолмайди. Биз буни “Аврора” операцияси деб номлаймиз”, дейди АҚШнинг собиқ етакчиси.
Трампнинг қўшимча қилишича, улар мамлакатга қайтиб келган тақдирда, автоматик равишда шартли озод қилиш имкониятисиз 10 йиллик қамоқ жазосига ҳукм қилинади. У Америка фуқароси ёки ҳуқуқ-тартибот органи ходимини ўлдирган ҳар қандай муҳожир учун ўлим жазосини қўллаб-қувватлашини таъкидлаган
Аввалроқ Трамп АҚШни ноқонуний муҳожир жиноятчилар эгаллаб олганини маълум қилган эди. Президентликка даъвогар, агар у 5 ноябрдаги сайловда ғалаба қозонса, бу кун “Америка озодлиги куни” бўлишини ваъда қилган.
Изоҳ (0)