Самарқанд вилояти ИИБ Йўл ҳаракати хавфсизлиги бошқармаси ЙТҲ оқибатида ёнғин чиққан юк машинаси юзасидан маълумот берди.
Қайд этилишича, 20 июнь куни соат 21:00 лар атрофида Каттақўрғон тумани ҳудудидан ўтувчи М-37 автомобиль йўлининг 84-километрида Навоий—Самарқанд—Бухоро йўналиши бўйлаб ҳаракатланиб келаётган юк транспорт воситасида техник носозлик ҳолати юзага келган. Оқибатда ҳайдовчи рул бошқарувини йўқотиб, йўлнинг ўнг четки қисми пастликга тушиб кетган ва транспорт воситасида ёнғин содир бўлган.
Ёнғин зудлик билан ФВБ ходимлари томонидан зудлик билан бартараф этилган.
Ҳодиса оқибатида тан жароҳати олганлар ва вафот этганлар йўқ. Ҳолат юзасидан Каттақўрғон тумани ИИБ ЙХҲБ томонидан дастлабки суруштирув ишлари олиб борилмоқда.
- Аввалроқ Тошкент вилояти Паркент туманида Damas, Жиззах ҳудудидан ўтган халқаро автомобиль йўлида Cobalt ёниб кетгани тўғрисида хабар берилганди.
- Шунингдек, Тошкентда Mercedes-Benz микроавтобуси ёниб кетган эди.
Изоҳ (0)