Ўзбекистонлик тадбиркорлар Алишер Акбаров ва Амал Абдуллаев Forbes Middle East нашрининг 2024 йилги “30 Under 30” рейтингидан жой олди.
Мазкур рейтинг ёш етакчиларнинг ютуқларини тан олиш, уларнинг инновацияларини қўллаб-қувватлаш ва бошқа стартаплар учун илҳом манбаси бўлишда муҳим аҳамиятга эга.
26 ёшли Алишер Акбаров ва Амал Абдуллаев БААда жойлашган Cоmfi платформасининг асосчиларидан ҳисобланади. Ушбу B2B платформа кичик ва ўрта бизнеслар учун тўлов ва кредитлаш хизматларини таклиф қилади.
Компания Абу-Дабидаги хусусий оилавий офисдан 5 млн доллар қарз маблағ жалб қилган ва Canabil Investments ҳамда 500 Global’дан 350 минг доллар сармоя олган.
Cомфи етказиб берувчилар ва харидорлар ўртасида молиявий ечимларни тақдим этиб, кредитни 90 кунгача узайтириш ёки олдиндан тўлов олиш имконини беради. Бугунги кунда платформа 80 та фаол етказиб берувчи ва 400 та СME харидорлар билан ҳамкорлик қилиб, 5 мингдан ортиқ транзакцияларни амалга оширган, 5 млн доллар миқдорида кредитлар ажратган ва йиллик даромади 1 млн долларга етган.
Шунингдек, компания Tafaseel, Musafir, Meydan Free Zone, Bugyz вa Park Lane Motors каби минтақадаги йирик СME’лар билан муваффақиятли ҳамкорлик қилиб келмоқда.
Изоҳ (0)