Сингапур бош вазири Лоуренс Вонг дунёнинг энг кўп маош оладиган етакчилари рўйхатида биринчи ўринни эгаллади. Унинг йиллик маоши деярли 1,69 миллион долларга тенг. Бу ҳақда Forbes хабар берди.
Рейтингда ундан кейинги ўринда Швейцария президенти Виола Амерд туради, у йилига 570 минг доллар даромад топади. 3-ўринни Австралия бош вазири Энтони Альбаниз 413 минг доллар билан эгаллаган бўлса, 4-ўринда АҚШ президенти Жо Байден жойлашган. Унинг йиллик даромади 400 минг долларни ташкил этади.
Уларнинг ортидан Австрия канцлери Карл Нехаммер (316,7 минг доллар), Янги Зеландия бош вазири Кристофер Лаксон (310,5 минг доллар), Канада бош вазири Жастин Трюдо (310,5 минг доллар), Германия канцлери Олаф Шольц (293,3 минг доллар) ва Япония бош вазири Сигэру Исиба (276,4 минг доллар) келмоқда. Энг бой раҳбарлар ўнталигини Ирландия бош вазири Саймон Ҳаррис (267,3 минг доллар) якунлаган.
Россия раҳбари Владимир Путин рўйхатда умуман кўрсатилмаган. Путин 2017 йилдан 2022 йилгача 67,5 миллион рубль ишлаб топган. Унинг даромад манбалари орасида иш ҳақи, ҳарбий пенсия, банк омонатлари, қимматли қоғозлар, шунингдек, мулкни сотиш кўрсатилган.
Изоҳ (0)