Испаниянинг собиқ судьялари ва прокурорлари олий судга фахрий қирол Хуан Карлос I га қарши қўшма даъво аризаси киритди. Даъво аризасида қиролни бешта солиқ жиноятида айбдор деб топиш сўралмоқда.
Бу ҳақда RTVE телерадиокомпанияси маълум қилди.
Аризачиларнинг таъкидлашича, собиқ давлат раҳбарининг 2014—2018 йиллар оралиғидаги тўловлар бўйича солиқ билан боғлиқ вазиятни ҳал қилишга уринишлари қонун талабларига тўғри келмайди, чунки бу ҳаракат Хуан Карлос I тергов ҳақида хабардор қилинганидан кейин амалга оширилган. Жумладан, фахрий қирол аввалроқ 600 минг евродан ортиқ ва яна 4,4 миллион евро миқдоридаги солиқ қарзларини тўлаган.
2020 йил август ойида Хуан Карлос I ўз ўғли қирол Филипп VI га мамлакатни тарк этиш қарори ҳақида маълум қилганди.
Ўшандан бери Хуан Карлос I Бирлашган Араб Амирликлари яшайди. 202 йил март ойида Испания прокуратураси Хуан Карлос I нинг иши бўйича тергов ёпилганини эълон қилганди.
Эндиликда янги даъво аризасига кўра тергов ҳаракатлари бошланиши кутилмоқда.
Изоҳ (0)