“Барселона” ва Испания терма жамоасининг 17 ёшли ҳужумчиси Ламин Ямал Бирлашган Миллатлар Ташкилотининг Болалар жамғармаси (UNICEF) элчисига айланди. Бу ҳақда футболчининг ўзи ижтимоий тармоқларда маълум қилди.
Видеода Ямал укаси Кейнга болалар ҳуқуқлари ҳақида ёзган мактубини ўқийди.
“Бугун мен сенга ва бутун дунёдаги ҳар бир болага мурожаат қиламан: ҳеч қачон ўйнашни унутма”, деган испаниялик видео изоҳида.
Маълумот учун, “Барселона” футболчиси жорий мавсумда барча турнирларда 16 ўйин ўтказиб, 6 та гол урди ва 8 та голли пас узатди.
Изоҳ (0)