Ҳозирда дунёда 20 дан ортиқ қироллик оилалари мавжуд. Қуйида тахт меросхўрлари ва монархларнинг авлодлари билан танишамиз.
Малика Леонор, Испания
Малика Леонор 2014 йилда отаси тахтдан воз кечганидан сўнг тахтга ўтирган қирол Филипп VI нинг икки қизининг энг каттаси. У тахтга биринчи даъвогар — келажакда 1868 йилдан бери Испаниянинг биринчи маликасига айланади.
Шаҳзода Жорж, Буюк Британия
2013 йилда туғилган шаҳзода Жорж шаҳзода Уилям ва Кейт Миддлтоннинг тўнғич ўғли, демак, у бир кун келиб қирол бўлади. Ҳозирда у Британия тахтига номзод сифатида отасидан кейин иккинчи ўринда туради.
Ҳамдан ибн Муҳаммад ал-Мактум, Дубай
Олоуддинга қиёсланадиган араб шаҳзодаси 1982 йилда туғилган. У акаси Рашид тахтдан воз кечган 2008 йилдан бери Дубай валиаҳд шаҳзодаси ҳисобланади. Ҳамдан жамоатчиликка яхши таниш, чунки у ижтимоий тармоқларда фаол — у ерда ўзининг ҳашаматли турмуш тарзини намойиш этади. Бироқ қироллик оиласининг аъзоси вазифаларини ҳам унутмайди ва кўп вақтини хайрия ишларига бағишлайди. 2019 йилда шаҳзода амакиваччаси Шайха бинту Саид ибн Тани ал-Мактумга уйланди, 2021 йилда улар фарзандли бўлди.
Малика Эстел, Швеция
Малика Эстел Швеция валиаҳд маликаси Викториянинг тўнғич фарзанди ва Швеция тахтига номзод сифатида онасидан кейин иккинчи ўринда туради. Унинг тўлиқ исми Эстел Силвиа Эва Мери. У 2012 йил 23 февралда туғилган.
Малика Елизавета, Бельгия
Бельгия маликаси Елизавета 2001 йил 25-октябрда туғилган. У қиролнинг тўнғич фарзанди, ака-укалари бўлса-да, Бельгия тахтининг биринчи вориси ҳисобланади. Бу унинг туғилишидан 10 йил олдин қабул қилинган тахтга ворислик қоидаларининг ўзгариши туфайли содир бўлди.
Агар у тахтга ўтирса, Бельгиянинг биринчи ҳукмрон қироличасига айланади. Малика голланд, француз, немис ва инглиз тилларини билади. У 2020 йил май ойида Уэлсдаги UWC Atlantic коллежини тамомлаган ва Брюсселдаги Бельгия ҳарбий академиясига ўқишга кирган. Малика ўқишда қийинчиликларга дуч келган болалар, қариялар, уйсизлар ва ногиронларга ёрдам бериш учун кўплаб волонтёрлик ишларни амалга оширади.
Шаҳзода Кристиан, Дания
Шаҳзода Кристиан 2005 йилда туғилган. У Дания валиаҳд шаҳзодаси Фредерикнинг тўнғич фарзанди ва қиролича Маргрет II нинг набираси. У тахтда отасидан кейин иккинчи ўринда туради. Қизиғи шундаки, 16-асрдан бошлаб Дания монархларининг тўнғич фарзанди ё Кристиан ёки Фредерик деб аталади.
Шаҳзода Жак, Монако
Тўлиқ исми Жак Оноре Раиниэр Грималди бўлган шаҳзода Жак 2014 йил 10 декабрда туғилган. Унинг ўзидан 2 дақиқа катта бўлган малика Габриэлла исмли эгизак опаси бор. Бироқ сарой қоидаларига кўра, Жак Монегаск тахтининг вориси ҳисобланади.
Шаҳзода Мулай Ҳассан, Марокаш
Марокаш шаҳзодаси Мулай Ҳассан 2003 йилда туғилган. Қирол Муҳаммад VI нинг тўнғич фарзанди сифатида у Марокаш тахтининг вориси ҳисобланади. Шаҳзода араб, француз, инглиз ва испан тилларини яхши билади. У, шунингдек, иқтисод ва ижтимоий фанлар бўйича халқаро бакалавр даражасини олган — келажакда авиация йўналишида ўқишни режалаштирмоқда. Шаҳзода аллақачон ўзининг қироллик вазифаларига кўникиб, қироллик ташрифларини амалга оширади ва дунё раҳбарлари билан мулоқот қилган ҳолда кўпинча отасини таништиради.
Малика Катарина-Амалия, Нидерландия
Катарина-Амалия 2003 йилда туғилган. Оиласидаги уч қизнинг энг каттаси сифатида у 2013 йилда отаси тахтга ўтирганидан сўнг тахт вориси бўлди. Малика ва унинг опа-сингиллари қироллик оиласи аъзолари бўлишса-да, оддий мактабда ўқишган. Малика голланд, инглиз ва испан тилларида гапиради. У от минишни, хоккейни, қўшиқ айтишни ва пианино чалишни яхши кўради.
Малика Ингрид Александра, Норвегия
Малика Ингрид Александра Норвегия валиаҳд шаҳзодаси Хоконнинг тўнғич фарзанди. У 2004 йилда туғилган ва ҳозирда отасидан кейин иккинчи меросхўр ҳисобланади. Агар у тахтга ўтирса, XV асрда монарх бўлган қиролича Маргаретдан кейин Норвегиянинг иккинчи маликасига айланади.
Изоҳ (0)