Испания собиқ қироли Хуан Карлос I мамлакатни тарк этишга қарор қилди. У хориждаги ҳисобларини яширишда гумонланмоқда

Молиявий можаролар домида қолган Испания собиқ қироли Хуан Карлос I мамлакатни тарк этади. Бу ҳақда у амалга монарх — ўғли Филипп VI ни огоҳлантирган, деб хабар беради El Mundo нашри.

Хуан Карлос I вакилларининг маълум қилишича, у ҳар қандай ҳолатда ҳам Испания прокуратураси томонидан ўтказиладиган жараёнларда иштирок этади. Мамлакат ҳукумати монархнинг ушбу қарорига нисбатан ҳурмат билан ёндашилишини маълум қилган.

Нашр маълумотларига кўра, Хуан Карлос I ҳозирда Испаниядан чиқиб кетган.

Эслатиб ўтамиз, Швейцария ва Испанияда бир неча ойдан буён Хуан Карлос I томонидан назорат қилинаётгани тахмин қилинган хориждаги ҳисоблар бўйича тергов кетмоқда. Айбловчи томоннинг тахминига кўра, ушбу банк ҳисобларида коррупция йўли билан қўлга киритилган маблағлар сақланмоқда.

Мамлакат конституциясига кўра, қирол дахлсиз бўлиб, у жиноий жавобгарликка тортилмайди. Бироқ Хуан Карлос тахтдан кетгандан сўнг амалга оширган ҳаракатлари учун суд қилиниши мумкин.

Март ойида Хуан Карлоснинг ўғли, амалдаги қирол Филипп VI антикоррупцион терговлар фонида отасининг меросидан воз кечган эди.

Маълумот учун, Хуан Карлос I Испанияни 1975—2014 йиллар оралиғида бошқарган.