Ispaniyaning sobiq sudyalari va prokurorlari oliy sudga faxriy qirol Xuan Karlos I ga qarshi qo‘shma da’vo arizasi kiritdi. Da’vo arizasida qirolni beshta soliq jinoyatida aybdor deb topish so‘ralmoqda.
Bu haqda RTVE teleradiokompaniyasi ma’lum qildi.
Arizachilarning taʼkidlashicha, sobiq davlat rahbarining 2014—2018-yillar oralig‘idagi to‘lovlar bo‘yicha soliq bilan bog‘liq vaziyatni hal qilishga urinishlari qonun talablariga to‘g‘ri kelmaydi, chunki bu harakat Xuan Karlos I tergov haqida xabardor qilinganidan keyin amalga oshirilgan. Jumladan, faxriy qirol avvalroq 600 ming yevrodan ortiq va yana 4,4 million yevro miqdoridagi soliq qarzlarini to‘lagan.
2020-yil avgust oyida Xuan Karlos I o‘z o‘g‘li qirol Filipp VI ga mamlakatni tark etish qarori haqida ma’lum qilgandi.
O'shandan beri Xuan Karlos I Birlashgan Arab Amirliklari yashaydi. 202-yil mart oyida Ispaniya prokuraturasi Xuan Karlos I ning ishi bo‘yicha tergov yopilganini e'lon qilgandi.
Endilikda yangi da’vo arizasiga ko‘ra tergov harakatlari boshlanishi kutilmoqda.
Izoh (0)