Бугунги кунда дунёда йигирмадан ортиқ қироллик оилалари мавжуд. Қуйида мазкур монархияларнинг меросхўрлари ва қироллик оиласи авлодлари ҳақида қисқача маълумот берамиз.
Малика Леонор, Испания
Малика Леонор бобоси тахтдан воз кечганидан сўнг 2014 йилда ҳокимиятни қўлга киритган қирол Филипп VI нинг тўнғич фарзанди. Унинг бир нафар синглиси бор. Малика Леонор тахт учун биринчи ворисдир.
Шаҳзода Жорж, Буюк Британия
Шаҳзода Жорж 2013 йилда туғилган бўлиб, шаҳзода Уилям ва Кейт Миддлтоннинг тўнғич ўғли, у Британия тахтига отасидан кейин илк номзоддир.
Ҳамдан ибн Муҳаммад Ал-Мактум, Дубай
Эртакдаги Оловиддинга қиёсланадиган Ҳамдан ибн Муҳаммад 1982 йилда туғилган. Унинг акаси Рашид 2008 йилда тахтдан воз кечган ва шундан бери у Дубай валиаҳд шаҳзодаси ҳисобланади. Ҳамдан кенг жамоатчиликка таниш, чунки у ижтимоий тармоқларда фаол бўлиб, интернетда ўзининг дабдабали турмуш тарзи билан бўлишиб келади. Албатта, қироллик оиласи аъзоси ўзининг давлат вазифаларини унутмайди ва кўплаб хайрия ишлари билан шуғулланади. 2019 йилда шаҳзода амакисининг қизи Шайха бинту Саид ибн Тани Ал-Мактумга уйланди ва 2021- йилда жуфтлик фарзандли бўлди.
Малика Эстел, Швеция
2012 йил 23 февралда туғилган Малика Эстел Швеция маликаси Викториянинг тўнғич фарзанди бўлиб, тахтига онасидан кейин иккинчи ўриндаги ворис саналади. Унинг тўлиқ исми Эстел Силвия Ева Мери.
Малика Элизабет, Бельгия
Бельгия маликаси Элизабет 2000 йил 25 октябрда таваллуд топган ва қиролликда тўнғич фарзанддир. Гарчи унинг ака-укалари бўлса-да, Бельгия тахтининг биринчи вориси ҳисобланади. Чунки Элизабет туғилишидан 10 йил аввал давлат қоидаларига ўзгартириш киритилган. Малика голланд, француз, немис ва инглиз тилларини билади.
Шаҳзода Кристиан, Дания
Шаҳзода Кристиан 2005 йилда туғилган бўлиб, Дания шаҳзодаси Фредерикнинг тўнғич фарзанди ва қиролича Маргрет II нинг набираси. Отасидан кейин тахтга ворислик бўйича иккинчи ўринда туради. Қизиғи шундаки, 16-асрдан бошлаб Дания қироллигидаги барча тўнғич ўғилларга фақат Кристиан ёки Фредерик исмлари қўйиб келинган.
Шаҳзода Жак, Монако
Тўлиқ исми Жак Оноре Рене Грималди бўлган шаҳзода 2014 йил 10 декабрда таваллуд топган. Унинг ўзидан 2 дақиқа катта бўлган малика Габриэлла исмли эгизак опаси бор.
Шаҳзода Мулай Ҳассан, Марокаш
Марокаш шаҳзодаси Мулай Ҳассан 2003 йилда туғилган. Қирол Муҳаммад VI нинг тўнғич фарзанди сифатида у Марокаш тахтининг вориси ҳисобланади. Шаҳзода араб, француз, инглиз ва испан тилларида сўзлашади. Шунингдек, шаҳзода иқтисод ва ижтимоий фанлар бўйича халқаро бакалавр даражасига эга ва келажакда авиация йўналишида ўқишни режалаштирмоқда.
Малика Катарина-Амалия, Нидерландия
Катарина-Амалия 2003 йилда туғилган. Уч нафар қизнинг тўнғичи, отаси 2013 йилда тахтга ўтирганидан сўнг у тахт вориси бўлди. Малика ва унинг опа-сингиллари қироллик оиласининг аъзолари бўлишса-да, улар оддий ўрта мактабда таҳсил олишган. Малика голланд, инглиз ва испан тилларида гапиради.
Малика Ингрид Александра, Норвегия
Малика Ингрид Александра Норвегия валиаҳд шаҳзодаси Хоконнинг тўнғич фарзанди. У 2004 йилда туғилган ва ҳозирда отасидан кейин иккинчи ўринда туради. Агар у тахтга ўтирса, 15-асрда тахтни эгаллаган қиролича Маргаретдан кейинги Норвегиянинг иккинчи маликасига айланади.
Изоҳ (0)