Испаниянинг сув тошқинидан зарар кўрган Валенсия шаҳрига ташриф буюрган қирол ва қироличага лой, тош улоқтиришди. Бу ҳақдан Билд хабар берди.
Мамлакатда табиий офат қурбонлари сони 272 кишига етган. Испания қироли Фелипе VI ва унинг рафиқаси Летисия вазиятни шахсан баҳолаш учун Валенсиядаги сув тошқини ҳудудига ташриф буюрган. Қирол ва қироличага бош вазир Педро Санчес ва ҳудудий президент Карлос Масон ҳамроҳлик қилган.
Бироқ қироллик жуфтлиги олқиш билан эмас, балки лой, тош, шиша ва таёқлар билан кутиб олинган. Жабрланган аҳоли уларни етарли ёрдам кўрсатмаганликда айблаб, ҳақорат қила бошлаган. Оломон орасида “Қотиллар!” ва “Йўқолинг!” деган ҳайқириқлар эшитилган.
Қироличага эса “ъСенда ҳамма нарса бор, бу ерда одамлар ўляпти!”, “Сенинг сув билан боғлиқ муаммонг йўқ! Бизда ҳеч вақо йўқ!” деб бақиришган.
Қўриқчилар ташрифни тўхтатиб, қиролни хавфсиз жойга олиб чиқишга уринган, бироқ бу муваффақиятсиз якунланган. Оломон қирол жуфтлигининг кетишига йўл қўймаган. Полиция вазиятни назорат остига олиш учун отлиқ зобитлардан фойдаланган.
Изоҳ (0)