Кастингда иштирок этган бўлса ҳам орзусидаги ролни ижро эта олмаган Голливуд актёрлари (фото)

Кўп ҳолларда режиссёрлар актёрларни чекланган ампулада кўришади. Ҳатто таниқли санъаткорлар ҳам орзу қилган ролини ўйнай олмаслиги мумкин. Қуйида шу каби фильм ва сериалларда ўзи орзу қилган ролларни ижро эта олмаган машҳур актёрлар ҳақида маълумот берилади.

 Зои Дойч — “Очлик ўйинлари”даги Китнисс Эвердин қаҳрамони

“Очлик ўйинлари” фильмидаги Женнифер Лоуренс гавдалантирган ролга Зои Дойч даъвогар бўлган. Зои кастинг жараёнида бу ролга қабул қилинмаслигини тушунган ва бу актриса учун жуда оғриқли бўлган, чунки у ҳақиқатан ҳам ушбу франшизада иштирок этишни хоҳлаган.

Скарлетт Йоханссон — “Бечоралар” фильмидаги Фантина образи

Энн Хетеуэй “Бечоралар” фильмидаги Фантина роли учун кўплаб мукофотларга сазовор бўлган. Голливуд актрисаси Скарлетт Йоханссон ҳам бу рол учун имтиҳондан ўтган. Скарлетт интервьюларининг бирида ушбу лойиҳада иштирок этаётганидан хурсанд эканини айтди. Бироқ, актриса кастинг пайтида шамоллаб қолган ва натижада ушбу ролни Энн олган. Скарлеттнинг фикрича, унинг рақиби ролни камчиликларсиз ўйнаган.

Боб Оденкирк — “Офис” сериалидаги Майкл Скотт қаҳрамони

Стив Карелл “Офис” сериалида Майкл Скотт образини гавдалантирди. Бироқ, бу ролни “Яхшиси, Соулга қўнғироқ қилинг” фильми актёри Боб Оденкирк ижро этиши мумкин эди.  Карелл рол учун асосий даъвогарлардан бири эди, бироқ у тўртта қисмдан сўнг тугаган бошқа шоуда қатнашди. Орадан вақт ўтиб Карелл лойиҳага қайтишга муваффақ бўлди.

Мерил Стрип — “Ўзга сайёралик” Эллен Рипли

Эллен Рипли ролида Сигурни Уивердан бошқа актрисани тасаввур қилиш қийин. Бироқ, дастлаб бош қаҳрамон роли Мерил Стрипга таклиф қилинган эди. Лойиҳада нима сабабдан Уивер ушбу ролни гавдалантиргани номаълум, аммо фильм режиссёри Ридли Скотт Уиверни бу ролга кўпроқ мос деб ҳисоблагани ҳақидаги фикрлар мавжуд.

Мерил Стрип — “Кинг Конг” кинокартинасидаги Дуэйн

Мерил Стрип 1976 йилда суратга олинган “Кинг Конг” фильмидаги бош қаҳрамон Дуэйн учун кастингдан ўтган. Фильм продюсери италян тилида актрисанинг жуда хунуклигини айтган. Мерил эса италян тилини билар эди, у ўша пайтда италянча жавоб бериб, ҳаммани ҳайратда қолдирган.

“Ҳафсалангизни пир қилганимдан жуда афсусдаман”, — деган актриса. Охир-оқибат бу ролни Жессика Ленг гавдалантирган.

Натали Портман —“Ромео + Жульетта” Жульетта

Натали Портман 1996 йилда “Ромео + Жульетта” фильмидаги Жулетта ролига тасдиқланган. Бироқ суратга олиш ишлари бошланди ва режиссёр Баз Лурман Портманнинг Ромео ролини ижро этган Леонардо Ди Каприога нисбатан қай даражада ёш кўринишини солиштириб кўрди. Афсуски, ёш фарқи жуда сезиларли эди. Ўша пайтда Лео 21 ёш, Натали эса 14 ёшда эди, шунинг учун лойиҳада Портманнинг ўрнига Клер Дейнс эгаллади.

Кейт Уинслет — “Ромео + Жульетта” Жульетта қаҳрамони

Кейинчалик машҳур бўлган кўплаб актрисалар Жульетта роли учун рақобатлашди. Айнан Ди Каприо режиссёрдан ушбу ролга Клер Дейнсни олишни сўраган, чунки у ролни маҳорат билан ижро этган.

Кейт Уинслет ҳам ушбу лойиҳанинг кастингидан ўта олмади, бироқ тахминан бир йил ўтгач, у “Титаник”да Ди Каприо билан бирга рол ўйнади. Агар Кейт Жульетта образига қабул қилинганида икки марта Ди Каприо билан партнёр бўлар эди.