«Титаник» фильми режиссёри Жеймс Кемерон Канаданинг The Toronto Sun нашрига берган интервьюсида олиб борган махсус илмий изланиш ҳақида гапириб берди. Унинг мақсади Жекнинг (Леонардо Ди Каприо) ўлими муқаррар экани ва у кема ҳалокатга учраганда Роуз (Кейт Уинслет) билан бир эшик парчасига сиғмаслигини исботлаш эди, деб ёзади «Фильм.ru».
«Биз мутахассис билан ҳар томонлама фильмдаги қаҳрамонларнинг совуқ сувда қоладиган саҳнасини таҳлил қилдик. Бунинг учун вазни Кейт ва Лео билан бир хил бўлган иккита каскадёрдан фойдаландик, уларнинг атрофига датчиклар ўрнатдик, музли сувга туширдик, уларнинг омон қолиш-қолмаслигини синаб кўрдик ва натижа шундай бўлди: иккаласи ҳам уддалай олмади. Ушбу вазиятда фақат уларнинг бири омон қолиши мумкин».
Ўтказилган экспертиза видеоси фильм чиққанининг 25 йиллиги муносабати билан «Титаник»нинг янги 4К реставрация нашрига киритилади.
Шунингдек, Кемерон Жек фильмда ўлиши кераклигини ҳам таъкидлаб ўтди: «Ромео ва Жулеттадаги каби. Бу севги, фидойилик ва ўлим ҳақидаги фильм. Севги қурбонлик билан ўлчанади».
Кемерон 2019 йилда Жекнинг омон қолиши мумкинлиги ҳақидаги оммавий баҳсни «аҳмоқлик» деб атаганди.
Мавзуга доир:
- «Титаник» фильми ҳақидаги кадр ортида қолиб кетган ҳайратланарли фактлар
- Жеймс Кемерон Леонардо Ди Каприонинг «Титаник»да суратга тушишини истамагани айтди
- Муваффақият бадали: «Титаник» Кейт Уинслетнинг ҳаётини барбод қилишига бир бахя қолгани ҳамда актрисанинг кинотанқидчилар нафратига дучор бўлгани ҳақида
Изоҳ (0)