Режиссёр Жеймс Камероннинг афсонавий “Титаник” фильми 1997 йилда суратга олинган ва 12 йил давомида инсоният тарихидаги энг кассабоп фильм бўлган. Ушбу фильмда суратга тушганидан кейин машҳурликка эришган актёр ва актрисаларнинг кўриниши 26 йил ичида қанчалик ўзгарган? “Яндекс Дзен” нашри ушбу саволга қуйидаги фотолар орқали жавоб беради.
Леонардо Ди Каприо
1997 йилда “Титаник” кинокартинасининг премьераси бўлиб ўтди. Ўша пайтда Леонардо Ди Каприо кинони эндигина забт эта бошлаган эди. Кўплаб машҳур актёрлар лойиҳадаги бош рол учун кўриб чиқилди. Кристиан Бэйл ушбу фильмда бош қаҳрамонни гавдалантириши мумкин эди, бироқ Жеймс Кемерон “Гилберт Грэйпни нима қийнайди?” фильми юлдузини танлади. Ушбу лойиҳада иштирок этиш Леонардога бутун дунёга машҳур бўлиш имконини берди. Ҳозирда Ди Каприо энг кўп талабга эга машҳур актёр.
Кейт Уинслет
Кейт Уинслет йиллар давомида кўплаб образларни мухлисларига тақдим этди. У йиллар давомида гўзаллик стандартларига эргашмаслиги ва инсон ўзини борича яхши кўриши керак деган хулосага келди. “Титаник” чиққандан кейин Леонардо Ди Каприо таниқли лойиҳаларда рол ўйнай бошлаган бўлса, Уинслет экспериментал фильмларга эътибор қаратди.
У ҳамкасби ва энг яхши дўсти Леонардо сингари тезда “Оскар”ни қўлга киритмади. Актриса ҳам бир неча бор нуфузли мукофотга номзод бўлган ва “Ўқувчи” фильмидаги иштироки туфайли ўзи орзу қилган мукофотни қўлга киритган.
Билли Зейн
Одатда актёр кинода қандайдир образда пайдо бўлса, кўпчилик уни ҳаётда ҳам шундай деб ўйлайди. Бироқ ҳар доим ҳам сиз ўйлаганингиздек бўлмайди. Билли Зейн Роузнинг бўлажак турмуш ўртоғи ва бош қаҳрамонларнинг муҳаббат йўлини иккига бўлиб юборишга бор кучи билан уринган бош ролдаги салбий қаҳрамон ролини ўйнади. Албатта, унинг фильмдаги ишлари жуда хавфли, бироқ уни тушуниш мумкин. Актёр унчалик ёқимли бўлмаган инсон ролида пайдо бўлди, шунга қарамай, томошабинлар Биллини жуда яхши кўриб қолишди. Унинг фаолияти Леонардо Ди Каприо ва Кейт Уинслет каби муваффақиятли бўлмади. Аммо Зейн турли лойиҳаларда иштирок этишда ва актёр сифатида ишлашда давом этмоқда.
Френсис Фишер
Бир пайтлар ғайриоддий кўринишга эга бўлган актриса ҳамкасби Клинт Иствуд билан ишқий муносабатда бўлган. Актёрларнинг машҳур ота-онасининг изидан борган қизи ҳам бор. “Титаник” актриса суратга тушган биринчи лойиҳа эмасди. У фаолияти давомида образларини кўп марта ўзгартирди ва турли амплуаларни синаб кўрди. У ёшига қарамай фильмларда ва телевидениедаги лойиҳаларда иштирок этишда давом этмоқда ва шу билан ўз мухлисларини қувонтиради. Эътиборлиси, актриса қизи Франческа билан бир неча бор катта ва кичик экранларда пайдо бўлган.
Кети Бейц
Актриса буюк ёзувчи ва “даҳшатлар қироли” Стивен Кингнинг китобига асосланган “Мизери” триллерида рол ўйнаганидан кейин машҳурликка эришди. Кети “Титаник”да бой аёл ролини ўйнади, у катта бойликка эга бўлишига қарамай, оддий инсон бўлиб қолганлиги билан юқори табақали кўплаб инсонлардан фарқ қиларди. Бу образ бош қаҳрамонни ўзига жалб қилади ва унга ёрдам беради. Актрисанинг ўзи эса машҳур бўлиб, турли фильмларда рол ўйнамоқда.
Виктор Гарбер
Виктор Гарбернинг фаолияти ҳали ҳам қизғин паллада. У 1993 йилда “Сиэтллдаги бедорлар” мелодрамасида суратга тушган. Кейинчалик у “Биринчи рафиқалар клуби” фильмида иштирок этди. “Титаник” фильмида иштирок этган кўпчилик актёрлар сингари у лойиҳанинг бунчалик кўп ижобий шарҳ олишини ва бутун дунё бўйлаб прокатларда шунчалик катта миқдорда даромад олишини тасаввур ҳам қила олмаганди. Шундан сўнг Виктор бошқа сериал ва фильмларда рол ўйнашни давом эттирди.
Гарбернинг шахсий фильмографияси доимий равишда янги лойиҳалар билан янгиланади. Шунингдек, у Бродвейдаги лойиҳаларда рол ўйнайди, у ерда нафақат ажойиб актёрлик маҳорати, балки мусиқий истеъдодини ҳам намойиш этади. Бир мунча вақт олдин у Американинг машҳур “Шунчаки...” сериалининг янги мавсумида иштирок этиб, унда галерея эгаси Марк Касабиан ролини ўйнаган.
Изоҳ (0)