Урганч шаҳрида жамоат транспорти учун алоҳида йўлакларни ташкил этиш ишлари бошланди. Бу ҳақда Транспорт вазирлиги матбуот хизмати хабар берди.
Қайд этилишича, Тинчлик кўчасининг 700 метрли қисмида — Паҳлавон Маҳмуд кўчаси чорраҳасидан Абулғози Баҳодирхон кўчаси чорраҳасигача бўлган қисмида махсус йўлак очилган.
Тошкентда 2022 йил 20 декабрдан бошлаб жамоат транспортларига устуворлик берувчи ажратилган йўлакларни чизиш ишлари бошланган эди. ИИВ Жамоат хавфсизлиги департаменти йўл-ҳаракат хавфсизлиги бошқарма бошлиғи Фазлиддин Тошкенбоевнинг маълум қилишича, пойтахтда 475 километрга яқин 34 та алоҳида автобус йўлакчалари ташкил этилади.
2023 йилнинг февраль ойида президент бошчилигида ўтказилган йиғилишда Тошкент шаҳридаги 73 та асосий кўчада автобуслар учун алоҳида йўлак ташкил этилиши маълум қилинган эди. Июнь ойида эса Амир Темур, Шаҳрисабз, Шота Руставели ва Янги Сергели кўчаларида жамоат транспорти коридорлари жорий этилиши айтилганди.
Изоҳ (0)